Sêrt
Di Kongereya Rêxistina DTP'ê ya navçeya Misirca Sêrtê de bi hinceta endamê Meclisa DTP'ê Selîm Ozalp û Şaredarê Dihê Necat Yilmaz bi kurdî axivîbûn, her wiha di kongreyê de pankartên bi kurdî hatibûn daliqandin li rêveberên navçeyê lêpîrsîn hate dest pêkirin.

Rêxistina DTP'ê ya Navçeya Misircê ya Sêrtê, di 13'yê pûşperê de 2'emîn Kongereya xwe ya awarte li dar xistibû. Di kongereyê de panqartên "Hûn bi xêr hatin 2'emîn Kongreya DTP'ê ya Misircê" û "Welatiyen Azad, Bajaren Azad" derbarên rêveberên Rêxistina DTP'ê de lêpirsîn hatibû vekirin.

Têkildarî panqartan derbarê Serokê Rêxistina DTP'ê yê berê yê Navçeya Misircê Davut Esmer, rêveberê DTP'ê yên navçeyê Arîf Yilmaz, Hasan Polat, Sînem Ateş, Esmer Baran, Abdussamet Tadîk û Selahattîn Asma de ji ber muhalefetî li dijî Qanûna Partiyên Siyasî kiriye, lêpirsîn hate vekirin.
Di heman kongreyê de derbarê Endamê PM'a DTP'ê Selîm Ozalp û Şaredarê Dihê Necat Yilmaz de ji bi hinceta kurdî axivîbûn, bi suçdariya "Muhalefeta li hemberî Partiyên Siyasî" lêpirsîn hate vekirin.
Di çarçoveya lêpîrsînê de li bendê ye ku parastina endamên DTP'ê bên girtin.

Ji DÎHA'yê hatiye girtin