Amed

Cumali Atilla ku wekî kayyum ew şandin ser Şaredariya Bajarê Mezin a Amedê niha dixwaze navê Amed Sporê biguherîne. Kayyum Atila klûb tehdîd kir ku nav neguherîne dê şaredarî alîkariya xxwe bi paş ve bikişîne.

Li gor nûçeya Lezgîn Akdenîz a Dîhaber de kayyum Cumali Atilla ji rêveberiya klûbê xwestiye ku navê klûbê biguherînin û gotiye yan dê nav biguherînin û wan jî bigirin nava rêveberiya klûbê yan na dê ew alîkariya ji bo klûbê bi paş ve bikişînin.

Amed Sporê di sala 1990'î de wekî "DÎSKÎ" hat avakirin. Paşê bi navê "Diyarbakir Buyukşehir Belediyesi" xebatên xwe domand û di sala 2014'an de navê xwe guhart û kir Amed Spor. 

Amed Spor niha di Koma Spî ya Lîga 2'yemîn de dilîze û rewşa wê baş e. TFF (Federasyona Fûtbolê ya Tirkiyeyê) her hefte Amed Sporê digire bin lêpirsînê, heta niha hema bibêje her hefte ceza yan hişyarî ji bo klûbê şandiye, lê ligel her tiştî Amed Spor di warê xwe de bi awayekî serketî xebata xwe didomîne.

Şaredariya Bajarê Mezin a Amedê ku di destê DBP'ê de bû piştgirî dida klûbê. Li Tirkiyeyê ji Şaredariyên Stenbolê, Enqere bigire heta Balikesir, Manîsa gelek şaredariyên bajaran xxwedî klûbên sporê ne, piştgirî didin wan. Niha Cumali Atilla ku wekî kayyum şandine ser Şaredariya Bajarê Mezin klûba Amedê tehdîd dike ku dê alîkariyê bibire.

 Kayyum Atilla li avahiya şaredariyê bi Serokê Lijneya Rêveberiya Kllûba Amedsporê Nurullah Edemen û heyeta 7 kesî ya ji rêveberiya lijneyê pêk tê hevdîtin çêkir. Kayyum ragihand ku ew dixwaze navê klûb3e bê guherandin û di rêveberiya tîmê de cih bigirin. Li ser vê Serokê Klûbê Edemen, got ev kar bi xwestekê nabe û guherandina navê tîma ku ji aliyê bajêr ve tê hezkirin ne rast e. Piştî vê Atilla wiha gotiye: “Heke nebe, wê çaxê em ê nikaribin piştevaniyê bikin.”

Serokê Amedsporê Edemen ji bo Dîhaberê wisa gotiye: "Şaredarî budçeyek ji klûbên sporê yên amator re vediqetînin û bi vî awayî dahateke klûban çêdibe. Bi vê budçeyê helbet em hinekî rehet dibûn. Şaredarî di çarçoveya qanûnên heyî de piştevaniya me dikir. Ev rewş ne tenê ji bo me ye. Li hemû bajarên Tirkiyeyê, rêveberiyên herêmî piştevaniya klûbên sporê dikin. Divê şaredarî, bi pereyên gel piştevaniya tîma gel bike. Taliyê ev klûb, tîmeke futbolê ye. Divê daxilî siyasetê neyê kirin. Yanî ez li gor dilê xwe nikarim navê klûbê bikim Edemen Spor.”

Edemen, got ku klûba wan li gor derfetên xwe li ser piya disekin û anî ziman ku, ew ê bi piştevaniya dînamîk û gelê bajêr pir rihet bibin.

Di twitterê de tag hat vekirin
Li ser vê yekê ji bo piştgiriya klûbê êvara 18'ê mehê di twitterê de "Amed Spor yê gel e" tagek hat vekirin, bi hezaran kesî piştevaniya xwe eşkere kir û tag li Tirkiyeyê ket nava rêzên pêşî.