Diyarname
Di Lijneya Giştî ya Asayî ya Hilbijartinê de Adnan Polat ji bo Galatasaray wekî serokê 33'yemîn hat hilbijartin.
Adnan Polat ku di serdema nû de dê serokatiyê ji bo Galatasaray bike bi 2026 dengan hat hilbijartin. Berendamê din Nazim Durakî 229 deng girt.
Konfre li Salona Tevik Fikret li dar ket û serokê nû Polat wisa got: "Ezê li hemberî hemû pirsgirêkên Galatasaray di asta herî bilind de têbikoşim." Polat got ku ew Galatasarayeke yekvicud dixwaze, encax bi vî awayî dikarin pirsgirêkan çareser bikin.
Di lîsteya Polat de ev kes ji bo rêveberiyê hatin hilijartin:
Endamên Esil: Faruk Bil, Mehmet Helvaci, Işin Çelebi, Sinan Kiliç, Haldun Ustunel, Yigit Şardan, Ali Haşhaş, Mumtaz Tahincioglu, Murat Yalçindag, Cemal Ozgorkey.
Endamên Yêdek: Ahmet Dedehayir, Metin Karakaya, Nejat Uygur, Tunca Hazinedaroglu, Adil Emecan.
Di civînê de ji spor, huner û siyasetê gelek kes amade bûn. Ji van Serokê berê yê Demokrat Parti Mehmet Agar, ji wezîrên berê Fikri Saglar û lîstikvan Aydemir Akbaş û Şevket Altug jî hebûn.
Adnan Polat kî ye?
Ew Serokê Lijneya Rêveberiyê ya Koma Polat e, di sala 1953'yan de li Erzeromê hatiye dinê. Polat, di sala 1971'ê de Işik Lisesi, 1976'an de jî li New Yorkê Zanîngeha Long Island beşa Kar û Îdareyê kuta kiriye.
Polat di navbera 1992-1996'an de Cîgiriya Serokê Kluba Galatasaray Spor û Serokatiya Komîteya Futbolê kiriye. Polat, 7 adar 1997'an de bû Balyozgerê Fexrî yê Taylandê, di 1999'an de jî li ser navê CHP'ê ji bo Şaredariya Bajarê Mezin ê Stenbolê ket hilbijartinê lê bi ser neket.
Polat ji adara 2006'an ve Cîgirtiya Serokê Galatasarayê dike.