Diyarname

Heta niha me her stranên hunermendên kurd li gor rojevê hilbijartin û wekî Klîba Hefteyê pêşkêş kirin. Em yekem car biyaniyekî dikin mêvan: Beethoven. 

Ev îstîsnayek e û sedem jî ev e: 

Çend roj berê li Kolombiyayên Serokomarê dewletê û Serokê FARC'ê piştî 50 salên şer li hev kirin û peymana aştiyê îmze kirin. Di merazima îmzekirina peymana aştiyê de jî 9'emîn Senfoniya Beethoven a bi navê "Pesna Dilşadiyê" dan guhdarîkirin. Em hêvî dikin li ser axa ku em dijîn jî di rojek zûtir de aştiyek mayinde çêbibe û emê jî vê senfoniyê pêşkêş bikin. Heta rojek wisa were em niha de careke din guh bidin vê senfoniyê.

Di vê navberê de jî çend agahî li ser Beethoven:

Navê wî yê dirêj Ludwing van Beethoven e û di 17'ê berfanbara 1770'ê de li Bonna Almanyayê hatiye d inê, di 26'ê adara 1827'an de li Viyanayê miriye. Ew muzîkar û bestekarekî alman e, di heman demê de nûnerê cureya muzîka klasîk ku jêre "Klasîka Viyana" tê gotin e.

Mamosteyê wî yê yekemîn ê muzîkê bavê wî bûye, bavê wî jî ji ber gelek mey vedixwar û sermest dibû gelek caran tehda lê dikir.

Senfoniya wî ya herî zêde tê zanîn jî 9'emîn senfonî ye û ev senfonî di heman demê de (beşek jê) Sirûda Yekîtiya Ewropayê ye.

Wî di jiyana xxwe de 9 senfonî, 5 konçertoyên piyanoyê,  konçertoyek kemanê, ji bo piyano, keman û çella konçertoya sêcureyî, 32 sonatên piyanoyê û gelek muzîkên odeyê saz kirine.

Beethoven di jiyana xwe de her pirsgirêkên wî yên tenduristiyê hebûn û di sala 1801'ê de hêdî hêdî guh lê kerr dibin lê di sala 1817'an de bi temamî kerr dibe. Ev 9'emîn senfoniya niha mijara me ye jî di wê dema kerrbûnê de saz kiriye.

Fermo 9'emîn senfonî: