Ekîba filmê Reşeba çêkirîne ku fîlm besha êrîşên çeteyên DAIŞ'ê yên li dijî Şengalê û gelê Kurd dike, li ser nerazîbûnên gelê Êzidî yên li hemberî film daxuyaniyek nivîskî dan.
Di daxuyaniya ji aliyê Produktorê Filmê Reşeba Mehmed Aktaş û Derhênerê Film Hisên Hesen ve li serê navê ekîba film dayî wiha tê gotin; "Em radigihînin ku êdî film li festîvala navnetewî de nayê nîşan kirin. Ev biryar ji aliyê ekîba film ve hatiye dayîn. Ne ji aliyê rêxistinên festîvalê ve. Mixabin peyama film di nava civakê de xirab hatiye fêm kirin. Armanca me ne ew bû ku em baweriyan nîşan bidin."
Di berdewama daxuyaniyê de wiha tê ragihandin; "Naveroka film li ser bûyerekî Şengalê ye ku em hemû ji ber xemgîn bûne. Çîrokekî derbarê du hezkirinên ciwan de ne, ku dezgirtiyên yekin. Piştî êrîşên DAIŞ'ê keç dikeve destê çeteyên DAIŞ'ê de. Lê di dawiya film de keç û kur di gihîn hev. Dema ku me beşek kêm ya film nîşan da, di nava torên civakî de wisan nîşan dan ku heqaret li ola Êzidî hatiye kirin. Emê ligel meclîsa rihspiyên Êzidî goftûgoyê bikin, li ser film. Emê film nîşanî wan bidin."
Rojnews