COLEMÊRG (DÎHA)

Serokê Baroyên Kurdistanê der barê dorpêça 79 rojan a navçeya Geverê ku tenê nava rojê qedexe hatiye rakirin diyar kirin ku peymana navneteweyî hatiye binpêkirin. 

Serokên Baroyên 15 bajarên Kurdistanê, ji bo rewşa Geverê ya 79 rojan di bin êrîş û dorpêça hêzên dewletê de ma, lêkolîn bikin, çûn Geverê û piştî lêkolînê daxuyanî dan. Serokên Baroyên bajarên Wan, Culemêrg, Amed û Şirnex jî di nav de yên 15 bajaran lêkolîn kirin û çavdêrî kirin. Heyeta parêzeran li taxa Cumhuriyetê daxuyanî dan. Serokê Baroya Çewlikê Abdullah Alakuş, diyar kir ku li bajar hilweşînek pir dijwar pêk hatiye û wiha got: "Pirsgirêka kurd sed sal in didome. Bi van xerakirin û hilweşînan pirsgirêka kurd çareser nabe." 

Serokê Baroya Wanê Murat Timur jî diyar kir ku herî zêde li taxên ku welatî lê zêde ne şer pêk hatiye û wiha got: "Em ji bo gelê Geverê birînên xwe derman bike banga lezgîn dikin. Ev êrîşên li ser van xetan pêk hatiye li dijî peymanên navneteweyî ye. Dîsa li dijî peymana Cenevre ye. Heta ku pirsgirêka kurd çareser nebe pirsgirêka demokratîk a Tirkiyeyê çareser nabe. Ji ber ku pirsgirêka vî welatî ya herî girîng pirsgirêka kurd e. Riya çareseriyê siyaseta demokratîk e." 

Foto: Erkan Çapraz