Amed
Şaredariya Kayapinarê bi Genel-Îşê re peymaneke îmze kir û Newroz dê ji bo xebatkarên şaredariyê bibe roja betlaneya fermî.

Şaredariya Kayapinara Amedê û Genel-Îşa girêdayî DÎSK'ê ku xebatkarên şaredariyê endamên vê sendîkayê ne bi hev re peymaneke îmze kirin. Li gor vê peymanê Newroz bi awayekî fermî dê bibe roja betlaneyê. Di vê rojê de xebatkar dê bi destûr bin û neçin ser kar.
Her wiha li gor heman fermanê karkerên şaredariyê di sala yekem sedî 8 sala duyem jî sedî 10 zemê bigirin.

Newroz li meclisê hat nîqaşkirin

Her wila li Meclisê jî ji bo Newroz bibe tatîla fermî zagoneke hate nîqaşkirin.
Pêşniyaz ji aliyê mebûsê MHP'ê Atilla Kaya ve wekî "Nevruz roja neteweyî bê pîrozkirin" hate kirin. Li ser vê yekê DTP, CHP û Ak Partî jî dengên erê bikar anîn.

Kaya got; "Nevruz destpêka biharê ye û bi sedan salan e li cem tirkan tê pîrozkirin."

DTP'ê piştgirî da pêşniyaznameyê. Li ser navê DTP'ê, mebûsê DTP'ê yê Şirnexê Hasip Kaplan axivî û got ku bi mîlyonan mirov bi coşeke mezin Cejna Newrozê pîroz dikin.

Kaplan diyar kir ku di vê rojê de hestên biratî û aştiyê tên zimên û wiha berdewam kir: "Divê kesên di saziyên fermî de dixebitin û xwendekar jî bikaribin beşdarî vê rojê bibin. Şaredariya Kayapinara Amedê bi peymana ku bi sendîkayê re girê da, xebatkarên şaredariyê bi awayekî fermî beşdar dibin."

Pêşniyaznameya zagona li ser Newrozê çend rojên din jî dê li ser axaftin bên kirin û ger biryar bê girtin Newroz bi awayekî fermî dê bibe rojeke fermî.