Diyarname
Pişkeyên ji bo Kûpaya Lîga Şampiyonan yên çarîkfînalê hatin kişandin. Fenerbahçe dê bi Chelsea re bilîze.
Organîzeya herî mezin a Ewropayê Lîga Şampiyonan berdewam e. Ji bo çarîkfînalê îro li Nyona Swêdê pişke hatin kişandin.
Di encamê de tîma Tirkiyeyê Fenerbahçe dê bi tîma îngilîz Chelsea re bilîze.
Her wiha ev tîm di pişkeyê de wekî reqîb derketin:
Roma (Îtalya) - Manchester United (Îngilistan)
Arsenal (Îngilistan) - Liverpool (Îngilistan)
Schalke 04 (Almanya) Barcelona (Spanya)
Maçên yekemîn dê 2'yê avrêlê de û maça duyem dê 8'ê mehê bêne lîstin.
Fenerbahçe maça xwe ya yekemîn dê li Stenbolê bilîze û maça duyem jî li Îngilistanê.
Di Kûpaya Lîga Şampiyonan de maçên yekemîn ên nîvfînalê di 22-23'yê avrêlê, rovanşên wan jî di 29-30'ê avrêlê bêne lîstin. Fînala kûpayê ku îsal dê li paytexta Rusyayê li Moskovayê bê lîstin, dîroka wê 21 gulan e.
Her wiha di nîvfînal de dê encameke wisa pêk bê:
Ji Arsenal - Liverpool kî bi ser bikeve dê bi yê biserketiyê maça Chelsea - Fenerbahçe re bilîze.
Ji Schalke - Barcelona jî kî bi ser bikeve dê bi yê serketiyê maça Roma - Manchester United re bilîze.