Hevserokê PYD’ê Salih Muslim li ser civîna ku dê li Riyadê li dar bikeve axivî û got ku ev civîn dê bi kêrî berjewendiyên gelê Sûriyeyê neyê.

Di bin pêşengî ya Erebistana Siûdî de li paytexta wan Riyadê dê civînek bi sernavê "çareserî dîtina ji bo pirsgirêka Sûriyeyê û li ser heman fikrî anîna cem hev a muxalefetê" li dar bikeve. Civîn rojên 8-10'ê vê mehê li dar dikeve û nûnerên komên wekî Ehrar El-Şam û Ceyş  El-Fetih jî di nav de nêzî 100'î kes hatine vexwendin lê heta niha jî Rêveberiya Rojava,  ji PYD an YPG /YPJ kes nehatiye vexwendin.

Hevserokê PYD’ê Salih Muslim li ser meseleyê ji bo ANHA'yê axivî û got ku qet nûnerên gelên Sûriyeyê nehatine vexwendin û bi vî awayî dê civîn bi kêrî gelên Sûriyeyê neyê. 

 Muslim got ku civîn li ser daxwaza hin hêzên herêmî û navneteweyî pêk tê lê rewşa leşkerî û siyasî ya heyî ya Sûriyeya niha negirtine ber çavan û wisa got: "Akkor rastî ên çalak ên muxalefeta Sûriyeyê venexwendine civînê. Di rewşek wisa de dê tu cidiyeta civînên bi vî rengî nîn be."