Diyarname

Piştî bombekirina avahiyên HDP'ê yên li Edene û Mêrsînê berendamên HDP'ê li ser bûyerên axivîn.

Onder: Emê qadê ji bo qesaban nehêlin

Ji namzetên HDP’e yê Enqereyê û Parlamenterê HDP’ê Sirri Sureyya Onder li Yekîtiya Odeyên Mîmar û Endezyarên Tirk (TMMOB) li ser êrîşên li dijî avahiyên HDP’ê yên Edene û Mêrsînê axivî û got:

- Li Edeneyê 3 jê bi giran 6 birîndar, li Mêrsînê jî welatiyek birîndar bûye. Teqemenî li Mêrsînê ji civîna ku dê namzetên me beşdar bûbana re hatiye şandin. Hevalên me bi gumana amûrên guhdarkirinê kulîlk derxistine derve, heke dernexistina dibe ku hemû namzetên me bihata qetilkirin. 

- Ez li vir bang li hemû welatiyên me yên partiyê dikim. Bihistiyar bin û bi coşeke mezin a demokratîk ve etvli mîtînga Mêrsînê bibin û bersivêbidin provokatoran. Em ê tu caran dev ji israra xwe ya demokratîk bernedin. Ji bo hemû hevalên me yên partiyê bila derbasbûyî be. Ji bo 7 hevalên me yên birîndar rewsa 3 kesan giran e jî dibêjim derbasbûyî be.

- Em ê li dijî êrîşan bi coş, kêfxweşî û bi biryarike mezin bêhtir bibêjin wekhevî û azadî. Heke bi van êrîşan dixwazin me bitirsînin, bêzar bikin û em ê ji qadan vekişin ev hesab dê pûç bibe. Me ev qad ji qeşmer û xwînmijan re, ji qesaban re nehîşt, em ê nehêlin jî.

Firat: Berpirsiyarê êrîşan hikûmet e

Berendamê HDP'ê yê Edeneyê Dengîr Mir Mehmet Firat jî  daxuyaniyên Serokomarê Tirkiyeyê Erdogan û Serokwezîr Davutoglu ên li hemberî HDP'ê bi bîr xistin û got: "Ez wekî bûyerekî kiryarê wê diyar dibînim. Berpirsiyarê vê êrîşê hikûmet e." Vaye hin nirxandinên Firat ku di IMC TV de kirin:

- Serokomar Erdogan û rayedarên AKP'ê daxuyaniyên êrîşkar dan. Berpirsiyarê vî karî hikumet e.

- Zêdehî 50 êrîş li hemberî partiya me hatin û navenda giştî ya partiya me rastî êrîşa çekdarî hat. Serokomar û Serokwezîr li hemû qadan li hemberî partiya me gotinên tehrîxê dikin û partiya me hedef nîşan didin. Vê yêkê li ser olê dikin. Ez wekî bûyerekî kiryarê wê diyar dibînim. Desthilatdariyekî nikare dewletê bi rê ve bibe heye û divê ewlehiya canê mirovan û hilbijartinê pêk bînin. Di bin navê ewlehiya hilbijartinê de ji bilî HDP'ê tu êrîş tune ne. Li gorî min berpirsiyarê vê yêkê dewlet e. Berpirsiyarê vê yêkê hikumet e.

- Dixwazin girseya me tehrîk bikin û derbixin holê. Em ev lîstik gelek caran dîtin û em nayên van lîstikan.

- HDP dê bendê derbas bike û desthilatdariya AKP'ê dê bi dawî bibe.

**

Nûçeya eleqedar: 

- Di bombekirinê de ji mirinê filitîn!