DiyarName.Com

Li Çûkûrovayê dîsa dem dema pirtûkan e

Fûara Pirtûkan a Çûkûrovayê ku çend weşanxaneyên kurd jî lê stand vekirin dest pê kir. Di nav çalakiyan de jî çend bi ku

Diyarname

Fûara Pirtûkan a Çûkûrovayê ku çend weşanxaneyên kurd jî lê stand vekirin dest pê kir. Di nav çalakiyan de jî çend bi kurdî hene.

Fûara Pirtûkan a Çûkûrovayê ku ji aliyê TUYAP'ê ve tê amadekirin îsal 8'emîn car deriyên xwe vekir. Fûara ku li Navenda Kongre û Fûaran a Edeneyê deriyên xwe vekir heta 18'ê mehê dê li dar be.

Îsal li dor 250 weşanxane û saziyên sivîl beşdarî fûarê dibin. Di 6 rojan de hin çalakî li dar dikevin, nivîskar jî pirtûkên xwe îmze dikin.

Pêşangeha "Jiyaneke Sînemaskopek Rengîn Atîlla Dorsay" ku ji aliyê Sadik Karamustafa ve hatiye amadekirin di çarçoveya fûarê de li dar dikeve.

Ji weşanxaneyên kurd Weşanên Aram (Li 803 A), Weşanên Ava (li 803 C), Weqfa Îsmaîl Beşîkçî (Li 109), û Weşanên Nûbihar (Li 807 A) standê vedikin. Her wiha weşanên Evrensel (li 702 A) jî standê vedike.

Çend nivîskarên kurd ên bi kurdî dinivîsin jî dê pirtûkên xwe îmze bikin. Ji van M. Xalid Sadînî (Weşanên Nûbihar) roja 15'ê mehê saet 15:00, Ronî War (Weşanên Ava) rojên 15, 17 û 18'ê mehê saet 10.00 û Serhat Hemdem (Weşanên Ava) roja 15 û 16'ê mehê saet 14.00'an de dê pirtûkên xwe îmze bike.

Beşek ji çalakiyên çandî

Di nav panel û gotûbêjên li dar dikevin de çend bi kurdî jî hene. Ew û hinên ku dê balê bikişînin me neqandin:

15.01.2015

Salona Çûkûrova

Saet 13.45-14.45

Gotûbêje: Di nav wêjeya klasîk a kurd de cihê Feqiyê Teyran

Axifger: M. Xalid Sadînî

Amadekar: Weşanên Nûbihar

16.15-17.15

Panel: “Lehiya helbestê”

Axifger: Serhat Hemdem, Remezan Bakur, Fedli Keser, Nurzal Keser, Çetin Duran

Amadekar: Weşanên Ava