Diyarname
Di tûrnûvayê de Erzeromspor û Brûskspor hatin hemberî hev, Erzeromspor ji ber nivîsa 'Kurdistan'ê derneket sehayê.

Ji aliyê Midûriyeta Sporê ya Ûrmiyeyê ve di navbera 24-29'ê gelawêjê de tûrnûvayeke sporê ya di navbera bajarên derdorê de li dar xist. Di tûrnûvayê de ji Herêma Kurdistana Federe Brûskspor, ji Tirkiyeyê Erzeromspor, ji Îranê Ûrmiyespor, ji Azerbaycanê Bakuspor, ji ser navê Nahçivanê jî Nahçivanspor di tûrnûvayê de cih girtin.

Di dawiyê de Erzeromspor û Brûskspor derketin hevmberî hev. Di maçê de tîma Hewlêrê Brûskspor bi kincên rengên kurdî ku li ser 'Kurdistan' nivîsandî derket sehayê. Ji ser vê yekê rêveberên Erzeromsporê nerazîbûn nîşan da. Teknîk Dîrektorê Erzeromsporê Aydin Ozyildirim û Ersin Dizlek xeber dan rayedarên xwe û rayedarên wan jî nehişt tîma wan derkeve sehayê. Ji ber ku Erzeromspor derneket sehayê Brûskspor wekî serketî hat îlankirin û bû duyemîn.

Heta fînalê Erzeromsporê Nehçiwan bi 5-0, di maça duyem de jî Bakuspor bi 6-0 têk bir, di maça bi Ûrmiyesporê re de jî 1-1 wekî hev ma.

Brûskspor jî Nahçivan bi 3-0, têk bir, bi Bakuyê re 1-1 ma, lê li hemberî Ûrmiyesporê 2-1 têk çû.
Ûrmiyespor ku bû şampiyon jî Nahçivan bi 5-0, Baku bi 4-1, Brûskspor jî bi 2-1 têk bir û bi Erzeromê re jî 1-1 ma.

Midûrê Spor û Ciwanan ê Bajêr Fatih Çintimar wisa got: "Ne girîng e em di tûrnûvayê de dereceyê bi dest bixin. Dibe ku em li wê derê bibana yekemîn jî. iraqiyên ku kincên me yên bi Hîv û stêrê dîtîn bi kincên li ser Kurdistan nivîsandî xwestin derkevin sehayê. Ji nêzîktêdayîna rêveberên iraqî û kincên bi nivîsa Kurdistan em derneketin maça Hewlêrê. Ji Ûrmiyeyê li min geriyan û qala rewşê kirin. Min got teqez derneketin maçê. Ne mimkûn e tîmeke tirk bi tîma bi kincên nivîsa Kurdistan re lîstikê bilîze."

Ji malpera Milliyetê hatiye girtin