Diyarname

İdefix li Tirkiyeyê malpereke ku li wê derê bi sedhezaran heb pirtûk têde têne firotin. "Îdefix" (îdefîks) wekî kevneşopî her sal "Fûara Pirtûkan a Sanal" li dar dixe ku îsal 12'yemîn car e dest pê dike.

Fûar roja 21'ê mehê dest pê kir û heta roja yekemîn a sala 2015'an didome. Kesên bixwazin dikarin ji ser malpera Îdefîxê re xwe bigihînin bi sed hezaran pirtûkan. Aliyê herî taybet a vê çalakiyê ew e ku pirtûkan bi erzanî difroşe, yên bixwazin dikarin pirtûkên ku nivîskar bi xwe îmze kiriye bixwazin.

Fûara sanal bi beşdariya 2000 heb weşanxaneyan dest pê kir û di vê çarçoveyê de li dor 150 hezar heb pirtûkên cur bi cur hene. Pirtûk heta serê salê dê bi buhaya heta sedî  70'ê jî bêne firotin. 

Li gor agahiyên amadekarên malperê pirtûkan dikarin bi 9 teqsîdan bifroşin, her wiha her kirîna bi ser 50 TL'yî de heqê kargoyê jî ji bêrîka îdefîksê ye. Ji her bajarê Tirkiye û bajarên bakur kî bixwaze dikare pirtûkan bineqîne û bixwaze. Di malperê de ligel pirtûkên bi tirkî, beşek ji pirtûkên bi kurdî jî hene. Yên bixwazin dikarin bi navê nivîskar, navê pirtûk, yan jî navê weşanxaneyê di beşa lêgerîna malperê de li pirtûk bigerin, yan jî dikarin li beşan binêrin.

Her wiha di malperê de beşa e-pirtûk jî heye kî bixwaze bi buhaya 6-8 TL'yî e-pirtûkê daxîne.

Ji bo kesên eleqedar:

www.idefix.com