Em pêşî li vê fotoyê binêrin.
Civîna HDP'ê. Civîn li navçeya Sîvlîrî li dar ketiye û HDP'ya Sîlîvrî lidar xistiye. Ev salon, salona dawetê (mehr birînê) û salona çalakiyên çandî ye. Di tirkî de jêre dibêjin "Çok amaçli salon" (Saloneke ji bo gelek cure çalakiyan). Salon aîdê Şaredariya Sîlîvrî ye ku di destê CHP'ê de ye.
Ev avahî di sedsala 16'an de hatiye çêkirin, di dema Komara Tirkiyeyê de wekî cihê mastfiroşiyê hatiye bikaranîn. Şaredariya Sîlîvrî ev salon restore kiriye û niha wekî "Çok amaçli" bikar tîne.
HDP'ê jî çalakiya xwe li wir li dar xistiye.
Li aliyê paş dîwanê ala Tirkiyeyê û wêneyê Ataturk.
Li dîwarê aliyê çepî jî ala Tirkiyeyê heye.
Li dîwarê din (aliyê rastê) jî û li dîwarê paş jî ala Tirkiyeyê heye. Yanê li her çar aliyan al hatiye daliqandin.
Ji ber vî wêneyî, gelek nivîskarên kurd tiştek nemaye ji HDP'ê re gotine bêyî ku pirsan bikin, fêm bikin ev çi wêne ye...
Mînak ji nivîskarên kurd Hejarê Şamîl gotiye; "Civîna HDP'ê, Bêşirove", lê paşê herhal dilê wî rehet nebûye, careke din ev wêne ligel hinên din parve kiriye û gotiye, "Utanç kareleri" (Dîmenên şermê).
Gelek kesî ev wêne ev parve kiriye û şirove jî kirine.
Hin mînak ji wan:
- Bêşirove
- Halklari Kaziklayan Partisi
- Sömürgecinin bayrağı meşrulaştırılıyor. (Ala dagirkeran meşrû dikin)
- Ca li eletewşiyê binihêrin. HDP qey dixwaze ruhê misto vejîne û serweriya ala Tirkan a li ser welat û mêjiyê me qayîm bike.
- Bazi kurdlerin iradesi bumis (Îradeya hin kurdan ev e)
- Aptal ve Kişiliksizlere Silivri Masalları (Ji bo kesên bêaqil û bêşexsiyet Çîrokên Sîlîvrî)
Ev gotinên herî mehsûm in min hilbijartin. Gelek gotinên kirêt jî hatine kirin ez naxwazim li vir dubare bikim.
Ez naxwazim li ser aqilê ev kesên ew wêne şirove kirine tiştek bibêjim. Hew, em li meseleyê binêrin, belkî ew kes pozê wan bişewite û rabin lêborînê bixwazin.
Mesele ji aliyê min ve:
1- Dema min ev foto dît, min got teqez tiştek lê heye. Min hûrtir lê nêrî, min dît ku li aliyê rastê wêneyeke mahrbirînê, li aliyê din jî wêneyeke li ser xebatên çandî nivîsandiye, heye. Ev pirs hatin bîra min: Ger salon ji aliyê HDP'yiyan ve hatibe xemilandin (bi al û tiştên din), ev wêne li vir çi dikin? Çima ranekirine?
2- Dûre ev pirs hat bîra min: Gelo pereyên HDP'yiyan hene ku ew qas alek mezin û pêre jî fotoyek mezin ê Ataturk û her wiha li dîwarên din jî gelek alên din bikire û daliqîne?
Ji ber karê xwe yê reklamê ez bi buhaya wan jî dizanim.
Ew alên li dîwarên kêlekê daliqandîne li nav piyaseya tirkî jêre dibêjin "Kirlangiç". Bi giştî meziniya wan 80x200 e û buhaya wan jî li dor 70-80 TL'yî ye. Paşê ku min li wêneyên din ên vê salonê mêze kirin, min dît 5 alên wisa li çar aliyan daliqandî ne, ev jî dike dor 350-400 TL'yî. Wêneyê Ataturk û ala Tirkiyeyê ya mezin jî li dor 6 metreçargoşe ye (texmînî), bi buhaya xwe li dor 500 TL'yî... Mirov bide ser hev dike nêzî hezar TL'yî.
Min xwe bi xwe got: Ne mimkûn e pereyên HDP'ê hebin ku bidin van tiştan.
3- Pêre ev hat bîra min: Heta îro di kevneşopiya siyaseta kurdan (Ji HEP'ê heta BDP'ê) û siyaseta partiyên çep ên tirk (Ji EMEP'ê heta ODP û yên din) yekê jî li çar aliyan al nedaliqandine. (ev siyasetê ez qal dikim niha di nav HDP'ê de ne)
Ez gihîştim vê encamê: Ev al HDP'ê nedaliqandine.
Li ser vê min di bin wêneyên hin şiroveyan de ev pirsî; "Hûn dizanin ev wêne li ku hatiye kişandin?"
Min xwest hinek bifikirin. Lê ji bi dehan kesên ev wêne parve kirine û şirove kirine deng nehat, tenê hevalê me Mahmut Bilgin bersiv neda. Lê bi ya min pirs fêm nekir û bersiva wî jî şaş hat.
Vê carê ez li ser vê fikirîm:
Gelo berê jî li wê salonê panel yan çalakiyên din li dar ketine yan na?
Ez li qada înternetê lê geriyam.Min dît ku belê, berê jî xelkê (hin partî û rêxistinên din) li wir çalakî li dar xistine û ev al û fotoyên di çalakiya HDP'ê de, di yê wan de jî heye.* Encam ev bû: Ev al û foto jixwe li salonê daliqandî ne. Kî li wê salonê çalakiyê li dar bixe, nikare dest bide xemla wir. Tenê dikare alên xwe, yan jî afîşên xwe lê zêde bike.
Sedî sed ez qanih bûm ku ew al û foto ji aliyê HDP'ê ve nehatine daliqandin. Ev jî têra min nekir, min ji bo HDP'ya Sîlîvrî peyam şand û pirsî ka we ew daliqandine yan na?
Du roj berê bersivek wisa ji bo min şandin: "salon için para ödenmedi.bayraklar sürekli asılı durumda bizle ilgisi yok.belediyenin yeri. bizde o bayrakların yanına kendi bayraklarımızı astık.her taraf HDP bayrak ve pankartlarıyla doluydu." (**ji bo salonê me tu pere nedan. ew al her daliqandî ne, tu eleqeya wan bi me tune ye. ew der yê şaredariyê ye. me jî alên xwe li cem wan alan daliqandin. her alî bi al û pankartên HDP'ê tije bûn.)
***
Her wêne, her dîmen mimkûn e rastiye neyne ziman. Mimkûn e ew berevajîkirinan di nava xwe de bihebînin. Ji ber vê jî her wêne-vîdyoyek mirov dît hema xwe neavêje ser û tiştinan nebêje. Divê mirov hinek kûrtir lê binêre, li kîteyên wê, li cihê hatiye kişandin, saeta kişandinê, ji aliyê kî ve hatiye kişandin, çima hatiye pêşkêşkirin û hwd. bifikire.
Ger na, dê wisa bibe.
Ezê wêneyekî din bi bîra we bixim. Di wêneyê de Serokê DYA'yê Obama wekî ku li aliyê paş ve li keçikê dinêre... Lê na. Binêrin wêne û paşê vîdyo çi dibêjin...***
Belê wisa.
Niha em vegerin serî: Yên ku ew qas gotin ji HDP'ê (a rast derdê wan BDP bi xwe ye) gotin, gelo niha dê li bin wan şirovên xwe lêborînê bixwazin?
Wenêyê panela HDP'ê ku hatiye parvekirin:
Wenêyê duyemîn ji panela HDP'ê ku hatiye parvekirin (li ser Rojava jî pankart heye):
Têbinî:
* Ji bo wêneyên çalakiyên din û vîdyo:
Wêneyên çalakiyên ku berê partî/rêxistinan li dar xistine
Ji bo vîdyoyê li dawiya vîdyoyê binêrin hûn dê heman al û wêneyê Ataturk bibînin:
**Ev bersiva wan min tenê wergerand, tîpek jî min neguhartiye
*** Ji bo wêneyê ku çapemenî belav kir û vîdyoyê ku nîşan dide ku çiqas fotoyek şapînok e:
.jpg)
.jpg)
