Diyarname
Serokê Giştî yê CHP'ê Kemal Kiliçdaroglu li Wanê di daxuyaniya çapemeniyê de li ser zimanê zikmakî axivî: "Em bi awayekî erênî li perwerdehiya zimanê zikmakî dinêrin lê ev pirsgirêk ji bo îro ne pirsgirêkeke ku bê çareser kirin."

CHP'ê li Hotela Merit Şahmaran a Wanê 3 rojan "Xebata Stratejiya Aştiya di Siyasetê de" li dar xist û bi dawî kir. Piştî civînê li heman otelê Kiliçdaroglu derket pêşberî çapemeniyê û axivî.
Kiliçdaroglu got ku ew li bersiva "Ji bo CHP li Başûr û Başûrêrojhilata Anatoliyê ji bo zêdetir dengan bigire divê çi bikin" geriyane û wisa dom kir: "Yek ji xalên girîng ê nîqaşê CHP divê çawa  pirsgirêka kurd çareser bike, CHP divê çawa li pirgsirêka kurd binêre? bû. Divê çawa binêre ku fikra CHP dê çareser bike bibe serdest. Jixwe ev feresat heye, li hin cihan dinêre. Ji bo em vê fikrê xurt bikin divê CHP çi bike? Ev hat nîqaşkirin."

Vane hin gotinên Kiliçdaroglu:
- Biryareke wekî divê bendava hilbijartinê sedî 5 be bû serdest.
- Binçavkirin û girtinên nemafdar anîn ziman.
- Ji me re gotin ku divê CHP zêdetir bi gelê vê derê re bê ba hev.
- Siyaseta bi etnîkî, siyaseta bi olî ne rast e.
- Wekî rêya 3'yemîn, li derveyî AKP û BDP'ê, bi mafên gerdûnî, azadiya gerdûnî, ji aliyê demokrasiyê ve em tên vê herêmê.
- Di civînê de divê bi zimanê zikmakî perwerdehî hebe, hînkirin lazim e, metirsiyên di vî warî de dê derên hatin nîqaşkirin.
Mafeke mirovî ye ku her kes zimanê xwe yê zikmakî hîn bibe. Her wiha em dijî asîmîlasyonê ne, em alîgirê entegrasyonê ne. Ev di bernameya partiya me de heye. Hedefa me ew e ku em qvada mafên bingehîn û azadiyan berfireh bikin.