Diyarname
Li ser nivîsa nivîskarê me Şêxmûs Sefer a bi navê "Êdî Bes e! Ji bo min...", Serokê Klûba Şaredariya Bajarê Mezin a Amedê Haci Haspolat bersivek şand. Bêyî em destê xwe bidinê wekî mafê bersivê em bersiva Haspolat diweşînin:

**

Ji bo Diyarnameyê

Di Diyarnameyê de Şêxmûs Sefer nivîseke nivîsandiye û îdîa kiriye min
nehiştiye ew bikeve belediye, bikeve Kurdî-Derê, bikeve rêveberiya
Dîskîsporê. (Bi navê xwe yê nû: Klûba Şaredariya Bajarê Mezin a Amedê)
Ez vê bibêjim ku tu rastiya van gotinan tune ye. Wekî bersivek bi kurtahî ez bibêjim:

- Dema meseleya ketina şaredariyê ya ku Şêxmûs Sefer qal dike, eleqeya wî ya neketina
şaredariyê bi min ve nîn e. Neketina wî sedem tenê meseleyên resmî bûn.
- Di nîqaşa ku di Kurdî-Derê de hatiye kirin jî qet haya min jê nîn e. Di vî
warî de min tu tiştek li hemberî Sefer nekiriye.

- Ji bo Şêxmûs Sefer a ketina rêveberiya Dîskî spor (Klûba Şaredariya Bajarê Mezin) tu pêşniyar
nehatiye. Ger ji bo ketina rêveberiyê der barê Şêxmûs Sefer  de pêşniyar
bihata minê qebûl nekira. Ji ber ku ez naxwazim pêre bixebitim, lê navê wî
qet hehatiye rojevê. Loma jî tiştên ku Şêxmûs Sefer îdîa dike ne rast in.

Îdîayên Sefer bêbingeh in. Ez şaş mam ku Diyarname çawa nivîsên wisa
diweşîne.

Digel silavan

Haci Haspolat
Serokê Klûba Şaredariya Bajarê Mezin a Amedê