AYŞE HISO / DÊRIK

Şandeyek PHD-HDP'ê derbasî rojavayê Kurdistanê bû û çû serdana Kampa Penaberan a Newrozê.

Îro şandeyek Partiya Herêmên Demoratîk (DBP) û Partiya Demokrartîk a Gelan (HDP) ji deriyê Sêmalkayê re derbasî rojavayê Kurdistanê bû. Şandeya bakûrê Kurdistanê ku ji Parlementerê HDP'ê yê Şêrnaxê Faysal Sarî Yildiz, Parlementera Batmanê Ayla Akat, Parlementera Şêrnexê Selma Irmaq, Parlementerê Rihayê Îbrahîm Ayhan, Parlementera Qersê Mulkiye Bîrtane, Hevserokê Şardariya Bajarê Mezin a Amedê Firat Anli, Nûnerê Meclisa Sûryanî Samî Eytur û Parlementera berê ya Ewropayê Felek Nas pêk dihat derbasî Rojava bû.

Şande ji aliyê Serokê Hikumeta Herêma Cizîrê Ekrem Hiso, cîgira wî Elîzabêt Gewriye, Wezîrê Karên Derve Salih Gedo, Endamê Kordînasyona TEV-DEM'ê Aldar Xelîl, Endama Kordînasyona Yekîtiya Star Îlham Ehmed û Hevseroka Partiya Yekîtiya Demokratîk (PYD) Asya Ebdellah ve hat pêşwazîkirin.

Ekrem Hiso kêfxweşiya xwe ji bo serdanê anî ziman û got: "Hûn hatine nava xwişk û birayên xwe yê Rojava."

Parlementera Şirnexê Selma Irmak jî diyar kir ku ew destekê didin şoreşa Rojava û wê ji bo koçberên Şengalê hemû cureyên alîkariyan pêşkêş bikin. Selma da zanîn ku gelê êzidî rastî gelek komkujiyan hatiye û wiha got: "Em ê li rex xwişk û birayên xwe yên êzidî bisekinin û em ê alîkariya wan bikin. Ji ber ku Rojavayê em hembêz kir, em pir kêfxweş in."

Paşê şandeyê berê xwe da Kampa Newroz da ku  rewşa koçberên êzidî yên Şengalê bişopînin.