Diyarname
Di Kûpaya Zîraat a Tirkiyeyê de ji bo fînalê Trabzon û Sêwas, Fenerbahçe û Eskîşehîr derketin pêşberî hev.

Maça Sêwas û Trabzon ya yekem bi 2-1 bi serketina Sêwasê bi dawî bûbû. Di maça duyem de Trabzonê li mala xwe bi 6-0 Sêwas têk bir û derket fînalê.

Di maça duyem de heyecan zêdetir bû. Maça yekem li Eskişehîrê bi 1-1 bi dawî bûbû. Her du tîm li sehaya Fenerbahçeyê hatin hemberî hev.
Di deqîqeya 17'an de li ser navê Eskîşehîrê lîstikvan Tello gol avêt û tîma xwe bi 1-0 derxist pêş. Di deqîqeya 32'yan de Webo bersiv da û nîveka yekem a maçê bi vî awayî bi dawî bû. Di nîveka duyem de jî encam neguherî û 90 deqîqe bi 1-1'ê bi dawî bû. Paşê 30 deqîqeyê zêdek hat lîstin, di vê zêdekê de jî encam neguherî û maç derbasî avêtina penaltiyan bû.

Pêşî li ser navê Fenerbahçeyê Christian penalti avêt, dûre Diego bersiv da bû 1-1. Di penaltiyên duyem de Kuyt penalti avêt lê ji Eskişehîrê Necatî nekarî penaltiya xwe veguherîne golê. Di penaltiya sêyem de Webo gol avêt lê Causic nekarî golê biavêje û encam bû 3-1. Ji bo penaltiya 4'an Mehmet Topuz gog danî ser xala penaltiyê û helbet gol avêt. Bi vê Fenerbahçeyê Eskişehîr têk bir û di fînalê de bû reqîbê Trabzonsporê.

Trabzonspor û Fenerbahçe her du reqîbên hev ên dijwar in. Her du ji bo kûpayê dê roja 22'yê gulanê bi hev re bilîzin. Fenerbahçeyê piştî 28 salan yekem car ev kûpa bi dest xistibû û niah îsal careke din derket fînalê.