Diyarname
Di Lîga Şampiyonan de lîstina 8 maçan temam bûn. Di encama van de 8 tîmên rêzên pêşî cih girtin raste rast derbasî Dora 16'an bûn. Tîmên ji rêza 9'an heta 24'an cih girtine jî wê maçên play-offê bilîzin. Ji van 16 tîman 8 tîmên bi ser bikevin ew ê jî herin Dora 16'an.
Tîma îngilîz Arsenal bi 24 pûanan di rêza yekemîn de cih girti. Arsenal di her 8 maçên xwe de jî bi ser ket. Di nav 8'ê pêşî de ligel Arsenalê, Liverpool, Tottenham, Chelsea û Manchester City, yanê bi temamî 5 tîmên îngilîz cih girtin.
Bayer Munih bi 21 pûanê bû duyem, yên din jî bi rêzê wisa çêbûn; Livirpool, Tottenham, Barselona, Chelsea, Sporting Lizbon û Manchester City.
Tîma mezin Real Madrid di rêza 9'an de cih girt. Dûre bi rêzê Inter, PSG, Newcastle UNited, Juventus, Atletico Madrid, Atalanta, Leverkusen, Borussia Dortmunt, Olympiakos, Club Brugge, Galatasaray, Monaco, Karabağ, Bodo/Glimt, Bencica di nav rêzên 24'an de cih girtin. Ev tîm dê play-offê bilîzin. 
Xala balkêş Benfica, Marsilya, Pafos, U. Sang-G. hemû xwedî 9 pûanan bûn lê Benfica bi golek zêdetir karî di rêza 24'an de cih bigire û here play-offê. Tîmên din vegeriyan mala xwe.

MC'YÊ ZORA GALATASARAY BIR
Tîma Manchester City duh li mala xwe di nîm saeta pêşî de 2 gola vêtin û bi 2-0 zora tîma tirk Galatasaray bir.

PIŞKE Û ROJÊN LÎSTINA MAÇAN
Ji bo Play-offê roja 30'yê vê mehê wê pişke bê kişandin. Li ser du maçan wê play-off li dar bikeve. Maçên pêşî rojên 17-18'yê reşemî, rovanşê wan jî wê rojên 24-25'ê reşemiyê bêne lîstin û 16 tîmên herin Dora 16'an temam bibin.