Diyarname

Van deman li nav sehayên fûtbolê tiştên ecêb diqewimin. Emê du maçên fûtbolê û tiştên lê qewimîn bidin ber hev, nirxandinê hûn bikin...

Duh li Almanyayê maça Leverkusen û B.Dortmund hebû, li Tirkiyeyê jî maça Galatasaray û Trabzon sporê hebû.

- Li maça Leverkusen hakêm Feliks Zwayer di deqîqeya 68'an de ceza li Teknîk Dîrektorê Leverkusen Roger Schmidt birî û ew şand nav temaşevanan. Lê Teknîk Dîrektor neçû, got ez naçim. Li ser vê hakêm maç da rawestandin û çû hundir.

Li maça Galatasaray û Trabzonê hakêm Deniz ateş qertên sor nîşanî lîstikvanan da. Lîstikvanê Trabzonê Salih Dursun qertê hakêm ji dest wî girt, nîşanî hakêm da û got derkeve. Hakêm qertê sor nîşanî Salih Dursun jî da û ew derxist derve.

- Li maça Leverkusen piştî ku hakem maç da rawestandin û çû hundir, yek ji rêveberên Leverkusen ku li nav temaşevanan maç temaşe dikir daket xwarê, bi milê teknîk dîrektorê xwe girt û wekî daxwaza hakêm, ew bir nav temaşevanan.

Li maça Trabzonê ligel tiştê ku Salih Dursun kiribû gelek şaş e û li dinyayê tiştek wisa nehatiye dîtin jî Serokê Klûba Trabzonsporê Muharrem Usta lîstikvan Salih Dursin girt cem xwe û ligel wî daxuyanî da çapemeniyê, xwedî li lîstikvanê xwe derket.

Û Trabzonê Salih Dursun wekî leheng pêşkêş kir, di heman demê de got ku dîmena ku wî qerta sor nîşanî hakêm daye dê bi ser formayan de çap bikin û bifroşin.

Her ku Leverkusen e, wan hurmet nîşanî biryara hakêm da û deng nekirin.

Ji du welatan du biryar, du tevger û encamên cuda. Herhal ji vê jî diyar e li Almanyayê çima fûtbol her ku pêş dikeve li Tirkiyeyê ber bi paş ve diçe.

Di vê navberê de piştî maçê teknîk dîrektorê Leverkusen Roger Schmidt piştî maçê wisa got: "Min serhişkî kir. Ez bi hestên xwe tevgeriyam. Min bi berteka xwe ziyan da tîma xwe." 

Ji bo yên encamên maçan bipirsin: Galatasaray Trabzon bi 2-1 têk bir.

Li maça Leverkusen û Dortmund de lîstikvanê Dortmundê Aubameyang di deqîqeya 64'an de gol avêt û mav bi 1-0 bi serketina Dortmundê bi dawî bû.