Diyarname

Festîvala Gûzeka Zêrîn a Edeneyê îsal 30'emîn car li dar dikeve. Niha ji bo festîvalê dema şandina fîlman e.

Festîvala Gûzeka Zêrîn a Navneteweyî ya Edeneyê ji aliyê Şaredariya Bajarê Mezin a Edeneyê ve tê li dar xistin. Festîvala ku yekem car di sala 1969'an de li dar ketibû îsal 30'emîn car dê di navbera 18-24'ê rezberê de li dar bikeve. Festîval niha li benda berheman e.

Di festîvalê de ji sînemaya dinyayê, nîşandayînên taybet, nîşandayîna belgefîlman, gotûbêj û xebatên atolyeyê dê hebin. Ligel van beşên pêşbaziyê hene ku niha ew li benda fîlman in.

Kesên bixwazin fîlmên xwe ji bo beşên "Pêşbaziya Fîlmên Metrajdirêj a Neteweyî", "Pêşbaziya Belgefîlman", "Pêşbaziya Kurtefîlman a Navneteweyî" û Pêşbaziya Kurtefîlmên Xwendekaran a Neteweyî" "Pêşbaziya Kurtefîlman a Edeneyê" bişînin divê heta 7'ê meha gelawêjê wan bigihînin ber destên amadekaran.

Formên serîlêdanê di navnîşana "altinkozaff.org.tr" de ne.