Diyarname

Festîval Fîlman a Kîjan Mafên Mirovan? îsal 12’emîn car derdikeve pêşberî temaşevanan. Fetîvala ku ji aliyê Documentaristê ve tê lidar xistin li Stenbolê di navbera 10-14’ê mehê de li dar dikeve. Mijara bingehîn a îsal wekî “Jin û Azadî” hatiye diyarkirin.

Di festîvalê de ji Tirkiyeyê û ji welatên cur bi cur ên dinyayê fîlmên li ser binpêkirina mafên mirovan û têkoşîna mirovan a ji bo mafên mirovan hene. 

Di vê çarçoveyê de fîlm li Navenda Çanda Fransiz û li Aynali Geçit ên li Taksima Beyogluya Stenbolê têne nîşandayîn. Di festîvalê de bi ser 30’î de fîlm û belgefîlm hene. Ji bilî fîlman form jî hene. Foruma li ser jinên îranî 10’ê mehê saet 16’an de li Navenda Çanda Fransiz li dar dikeve. Di nav bernameyê de fîlmê bi navê “Em nîvê nifûsa Îranê ne” (derhêner Rakshan Bani-Etemand) ku li ser çalakiyên jinên îranî ye jî heye. Her wiha bi navê “Rojnivîska rê” (derhêner Mahnaz Mohammadi) belgefîlmekî din ê îranî di nav bernameyê de ye

Fîlmên du derhênerên kurd jî di nav bernameyê de ne. Ji van fîlmê Kurdwîn Ayûb ê bi navê “Sonne” ku gelek bal kişandibû ser xwe ketiye nava bernameyê.  Belgefîlmê derhêner Elif Yigit ku bi navê “Ji bo Edaletê” li ser Emine Şenyaşar kişandiye jî tê nîşandayîn

Ji bo yên bixwazin temaşe bikin:

Navenda Çanda Fransiz li Taksîmê ser Kolana Îstîklalê ye.

Aynali Geçît jî li Galatayê li Avrupa Pasajı Qata 2’yan e.

Mijara bingehîn a festîvalê “Jin û Azadî” ye, di vê çarçoveyê de ev afîş Volkan Olmez amade kiriye.