Diyarname
Festîvala Fîlmên Karkeran îsal 17’emîn car li dar dikeve. Festîval piştî pandemiyê îsal hem online,hem jî rû bi rû li dar dikeve. Temaşekirina fîlman bê pere ye.
Festîvala Fîlmên Karkeran 1’ê gulanê dest pê dike û heta 8’ê mehê dê bidome. Îsal ji 20 welatan 69 fîlmên metrajdirê, kurtefîlm û belgefîlm hene. Ji van 49 fîlm ji Tirkiyeyê, 20 jî ji derveyî Tirkiyeyê ne. 15 ji yên Tirkiyeyê yekem car derdikevin pêşberî temaşevanan.
Merasima destpêkirina festîvalê 2’yê mehê saet 19.30 de li Moda Sahnesiya Kadikoya Stenbolê li dar dikeve û bi ser hesabê Youtebe ya festîvalê re jî dê zindî bê belavkirin. Gava pêşî ya festîvalê li Stenbol û Enqereyê li dar ikeve. Di şevê de dê plaketa sipasî û rûmetê bibin lîstikvan Nur Surer. Her wiha wekî fîlmê destpêkirina festîvalê dê fîlmê derhêner Fikret Reyhan ê bi navê “Çatlak” bê nîşandayîn.
Nîşandayînên online bi ser Youteba festîvalê re dê bênê pêşkêşkirin. Nîşandayînên rû bi rû jî li Stenbolê di navbera 5-8’ê mehê de li Sînemaya Şaredariya Kadikoyê Sînematek/Sînemaevî, di navbera 6-8’ê jî li Navenda Çanda Fransiz a li Taksîma Stenbolê bê pere bêne nîşandayîn. Di nav fîlmên têne nîşandyîn de hin ên bi kurdî jî hene.
Ji bilî nîşandayînan festîval îsal Komxebata Civakên Sînemayê bi hevkariya Fîlmkoopê li dar dixe. Ev xebat 7’ê mehê saet na bera 14.00-17,00’an de li Sînematekê dê li dar bikeve.
Hin fîlmên dê bêne nîşandayîn:
- Zamanın Rengi / The Color Of Time
- Sıcak Yatak / The Everwarm Bed
- Hafıza Yetersiz- Hrant Dink İçin Bir Film
- Li Bajêr Binihêre, Ji Bo Ku Tu Di Bîr Bînî û Bibejî
- What Made Her Do It? ( Bunu Ona Yaptıran Neydi? / Çi ev yek bi we kir?)
- Bir Tribun Hikâyesi
- Hakikat: Şeyh Bedreddin / The Truth: Sheikh Bedreddin
- Beni Sevenler Listesi / The List of Those Who Love Me
- Patrida
- Zamanın Rengi / The Color Of Time