Diyarname

Festivala Şanoyê ya Navneteweyî ya Stenbolê didome. Lîstikek ku ji nav lîstikan derdikeve pêş jî "Medea" ye û niha dê derkeve pêşberî temaşevanan.

25'emîn Festîvala Şanoyê ya Navneteweyî ya Stenbolê 22'yê meha borî dest pê kir û heta 25'ê vê mehê didome. Di festîvalê de bi dehan lîstikên şanoyê hene. Yek ji wan jî "Medea" ye.

Koma Internationaal Theater Amsterdam bi lîstika xwe "Medea" tê Stenbolê. Medea bi versiyoneke modern hêmaya "eşq" û "tolhildanê" derdixe pêş. Nivîskar û derhênerê Avustralyayî Simon Stone ku di warê xwe e yekî nas û zana ye, bi şiroveyeke taybet lîstikê derdixe ser dikê. Lîstikvan Marieke Heebink bi rola di lîstikê de Xelata Theo ya Zêrîn girtibû.

Lîstik vesazkirineke cuda ji tragedyaya orjînal pêşkêş dike û berê xwe dide aliyê mirovahiyê.

Lîstikê li dinyayê deng veda. Ji rojnameyên navdar The Guardin ji bo lîstikê wisa nivîsê: "Komek bê qisûr, berhemeke hunerî ya bibandor". Rojnameya Telegrafê jî gotina "Ev Medea ew Medea ya ku hûn qet ji bîr nekin e" bikar anî.

Lîstik rojên 17 û 18'ê vê mehê li Zorlu PSM'ê ya Stenbolê derdikeve ser dikê.

Li aliyê din ji bilî lîstikên li salonan têne nîşandayîn, 25 lîstik wekî online jî têne pêşkêş kirin û yên bixwazin dikarin bi ser online li wan temaşe bikin.

Ji bo agahiyên zêdetir:

tiyatro.iksv.org