Diyarname

Xebatên ku vê dawiya hefteyê dê ji bo Roja Zimanê Zikmakî bêne lidar xistin diyar bûn. Hin çalakî ji bo 21'ê Reşemiyê Roja Zimanê Zikmakî dê lidar bikevin. Li Tirkiyeyê û Bakur ji ber ku qedexeya derketina derve heye çalakî dê online li dar bikevin. Hin xebatên saziyan me neqandin:

- PANELA TORA ÇANDÊ

Tora Çand û Ziman duh online panelek li dar xistibû, êvara 20'ê mehê jî lidar dixe. Panela ku dê bi navê "Zarok û Ziman" li dar bikeve dê Minewer Arslan bi rê ve bibe. Rêveberê Zarok TV Mehmet Çakmak, weşanger Mem Bawer, lêkolîner û mamoste Cemîl Guneş dê li ser meseleyê biaxivin. Panel saet 20.00 de ye.

- PANELA SZK'Ê

Saziya Zimanê Kurdî (SZK) jî li ser Roja Ziman paneleke online li dar dixe. Deham Evdilfetah, Evdilwehab Mûsa, Behrûz Şucaî û Zana Farqînî wekî axifger dê beşadr bibin. Panela ku dê Vîyan Cudî bi rê ve bibe de 20'ê mehê saet 3 li gor dema Qamişloyê li dar dikeve.

- PANELA EGÎTÎM-SENÊ

Egîtîm Sena Wanê bi sbeşdariya weşanger û helbestvan Lal Laleş û lêkolîner nivîskar Dilawer Zeraq bernameyeke amade bike. Bernameya ku Samî Hêzîl dê bi rê ve bibe de dê romana Erebê Şemo "Şivanê Kurmanca" bê nirxandin. Bername r20'ê mehê saet 20'an de ye.

- XEBATA KESK'A ÎZMÎRÊ

Platforma Şaxên KESK'a Îzmîrê bi sernavê "Bê siman jiyan nabe" roja yekşemê (21'ê mehê, saet 17.00) çalakiya muzîk û gotûbêjê li dar dixe. Di gotûbêjê de weşanger û nivîskar Denîz Gunduz dê biaxive. Ji aliyê muzîmkê ve jî Kasim Taşdogan, Nurhan Aldemir, Erdal Bayrakoglu, Yaşar Tabaosmanoglu, Grup Çelina (Nurgul Dalli Gulay, Selim Gulay) dê hunera xwe pêşkêş bikin.

- LI QAMIŞLO PANELEK GIRÎNG

Li Qamişloyê jî bi amadekariya Navenda Lêkolînên Perwerdehîyê (NLP) ya Desteya Perwerde û Fêrkirinê ya Rêveberiya Xweser a Bakur û Rojhilatê Sûriyê dê panelek li dar bikeve. Li Qamişlo li Hola Efrîn (li hemberî rawestgeha trênê) 21'ê meHê saet 09'an de dê panel li dar bikeve. Di panelê de du mijarên bingehîn dê bêne nîqaşkirin: "Di Hiquqa Herêmî û Navnetewî de Mafê Perwerdeya Bi Zimanê Dayikê", "Di sîstema Bakur û Rojhilata Sûrî de perwerdehiya pirzimanî û pirçandî".

Komîteya amadekar nûnerên Neteweyên Yekbûyî û nûnerên UNECEF'ê jî vexwendine panelê.

- XEBATA ÎMZEYAN

Li aliyên din Platforma Zimanê Kurdî û Tora Ziman û Çanda Kurdî komîsyoneke bi navê "Komîsyona 21'ê Reşemiyê/Sibatê" ava kiribû û 16'ê mehê ragihandibû. Komîsyonê kampanyaya îmzeyan da dest pê kirin, xebat dê Roja Ziman de dest pê bikira lê ji ber ku dawiya hefteyê qedexeya derketina derve heye, ew dê 22'yê mehê (roja yekşemê) li Amedê dest bi kampanyaya xwe bikin. Ew di vê Roja Zimanê Zikmakî de bi diruşmên “Bila zimanê kurdî bibe zimanê fermî” û “Bila zimanê kurdî bibe zimanê perwerdehiyê” dest bi xebatê dikin û hedef girtine pêş xwe ku bi ser mîlyonekî de îmzeyan berhev bikin.

TÊBINÎ: Xebatên saziyan wekî din hebin û me agahdar bikin em dikarin lê zêde bikin.

*** 

Nûçeyên Eleqedar:
- Xebatên ji bo Roja Ziman ên îro hatin kirin (19.02.2021)

- 5 saziyan ji bo Roja Ziman daxuyanî da 

- Sedî 33,4: Divê mafê Perwerdehiya Ziman bê dayin û bê parastin

- Hedefa Komîsyona 21’ê Reşemiyê mîlyonek îmze ye