Amed
Kongreya Civaka Demokratîk (KCD) endama civîna xwe ya navîn a di 26-27'ê Reşemiyê de eşkere kir. Di encamnameyê de hat diyarkirin ku wan rewşa siyasî û civakî nirxandiye û bang li gel kir ku di vê serdema nû de bi rihê şoreşa civakî têbikoşe. KCD'ê Ocalan jî xwest ku 'hepiskirina li mal' xwest.

KCD di encamnameyê de hate destnîşan kirin ku der barê hilbijartinên 12’ê pûşperê, serhildanên gel ên li Rojhilata Navîn û bakurê Afrîkayê, polîtîkayên Hikumeta AKP’ê yên der barê pirsgirêka kurd û geşedanên muhtemel ên dema biharê de nirxandinên berfireh hatine kirin.

KCD’ê destnîşan kir ku siyaseta kurd ji bo ku pirsgirêka kurd bi rêbazên demokratîk û aştiyane çareser bibe fedakariyeke mezin kiriye û ji ber ku Hikumeta AKP’ê bersiveke erênî ya ji bo biryara bêçalakîtiyê ya KCK’ê nedaye li hemberî vê pêvajoyê berpirsiyar e.

Yek ji xalên bingehên ên encamnayeyê jî konferansa neteweyî ya Kurdistanê bû. KCD’ê bangî hemû sazî û rêxistinên kurd kir ku ji bo pêkanîna yekîtiya neteweyî rola xwe bilîzîn. KCD’ê got divê konferansa neteweyî pêk bê û di vê konferansê de stratejiyeke neteweyî ya ji bo hemû Kurdistaniyan bê destnîşankirin.

Di dawiya encamnayê de banga xurtkirina çalakiyên ji bo pîrozbahiya 8’ê Adarê Roja Jinan a Cîhanê û pîrozbahiyên Newrozê hate kirin. KCD dê bi awayekî aktîf serkêşiya van pîrozbahiyan bike.