Diyarname

Şaredariya Girda ya Amedî hedrebiyayîşê Fûarey Kitaban ya Amedî ya 1'yînan temam kerd û fûare 12'yê ene aşme de dest pê kena û heta 17'ê aşme Sumerparke de go dewam bikero. Fûare de 70 weşanxaney go stand akerê û dewre 80 çalakî jî fûarede virazênê.

Heta enka TUYAP'ê Fûara Kitaban a Amedî viraştêne. TUYAP'î par ay 5'inan viraşt la biryar girot ke emsam nêvirazo. Nay ser weşanxaney kurdan, Komelay Nivîskaranê Kurd û Şaredariya Girde ya Amedî hamey têhet û serê mesela de xeber da.Peynî de biryar girot ke ê bi xo bi paştîdayîney şaredarî fûarê virazê. Qeybî na joy komîteyke viraşt ke di miyanê mîyanê xebatanê komîteya fûare de Serekîya Daîreyê Kultur û Turîzmî ya Şaredarî, Weşanxaney Aramî, TZP Kurdî, Egîtîm Sen, Komeleya Nivîskaranê Kurd û Weşanxaneyê Hîva ca girot.

Bi beşdarî Hemşaredarê Bajarê Girde Firat Anli û endamê komîtey hedrekerdinê fûarê daxuyaniyeke çapemenî hame viraştişî. Anli xeber da û vat ke yînan fûare diyarî Kobanî û Şengalî kerda wina dewam kerd: "Bajarê Amed bajarêke zehf muhîm o. Amed cayê kultur û medenîyetî yo. Aye ra çimê her kesî Amed seroyo.  Başûr, Bakur, Rojava û Rojhilat heme hawnenê Amed ra. TUYAP'î emsar Amed de fûar nêviraşt. Ma na joy qebûl nêkerd, nay jo ser sebo ma fûare virazê me kewtî miyanê xebatan."

Anli waşt her kes wayîr ro fûare vejiyo

'Xaye tenî rotişê kitaban nîyo'

Endamê komîtey fûare Mehmet Çakmak jî xeberî da û vat ke xayeyê înan tenî rotişê kitaban nîyo û  vat: “Ma de wazenê kitaban bidê sinasnayişî. Ma wazenê wa heme kitabî biresê verê destê wendoxan. Sedemê nay joy ma wazenê miyanê wendox û nuştoxan de dîyalogêke virazîyo. Ma fûarey xo Sumerpark de virazenê. Cayê Sumerparkî semedê ene fûarî musaît o. Fûar zehfziwaniya. Tirkiye, Ewropa û çar parçey Kurdistanî ra meymanî beşdarê fûare benê”  

70 weşanxane beşdar benê

Endamey komîte Handan Ekîcî Çapanoglu jî vat ke 70 weşanxane beşdarê Fûarey Kitaban benê û wina dewam kerd: "70 weşanxane ameyê dîyarkerdiş. Muracatê 15 weşanxaneyan zî vinderte yo. Eyro jî 4 weşanxaneyan muracat kerd. Ma hêvîdarê ke serêna weşanxaney hina zêde bêrê fûare. Fûar de panel, semîner û konserî estê. Semedê 15'ê Gulanî Roşanê Ziwanî zî çadire yena ronayîş. Onca kaya  Muzîkcenê Bremenî a ke Tîyatroya Bajar a Şaredarîya Bajarê Gird Amedî hedre kerda yena pêşkêşkerdiş."

Diyarname panel virazeno
Ma zey Diyarname jî panelê ke bi namey "Di warê pirtûk û zimanê kurdî de rolê malperên kurdî" virazenê. Di panela ko rojnameger Zulkuf Kişanak go moderatorî bikero de edîtorê malperey ma Cemil Oguz û nuştoxê malperey ma Zekî Ozmen go xeberî bidê. Panel 17'ê aşme, saet 15.00-16.45 de Saloney Sînema de virazêno.