Salnameya ku naveroka wê ji agahiyên cur bi cur yên der barê navdarên kurd, navdarên cîhanê, dîroka Kurdistanê, wêjeya kurdan, wêjeya cîhanê, agahiyên dînî û agahiyên li ser zanistên nûjen pêk tê, bi dewlemendiya xwe balê dikişîne.

Digel agahiyên muhîm ên wekî "di dîrokê de îro çi qewimiye, kî kengî hatiye dinyayê, kî kengî miriye û kê kengî çi kiriye" gelek pêkenokên kurdî, xeberojkên demsalê, helbestên klasîk û yên serbest, gotinên pêşiyan û hwd. jî tam û çêjeke taybet dane salnameyê.

Di salnameyê de bajar bi bajar wextên nimêjan hatiye dayîn û îsal her sê bajarên kurdan Hewlêr, Mehabad û Qamişlo jî lê hatine zêdekirin. 

Li ser kartonên salnameyê 8 wêneyên cihê hatine bicihkirin; Wêneyê Şêx Seîdê Kal yê piştî derdestbûna wî li girtîxana Amedê hatiye kişandin, yek ji wan wêneyan e. Wêneyê Mela Seîdê Kurdî yê li hewşa Mizgefta Fatîhê hatiye kişandin jî di nav wêneyan de cih digire. Medresa Sor, Birca Belek, Xerabeyên Herranê jî di wêneyên kartonên Nûbiharê de hene. Portreyên Melayê Cizîrî û Ehmedê Xanî jî li ser kartonan hatine bicihkirin. Gotinên bijare yên Şêx Seîdê Kal, Seîdê Kurdî, Melayê Cizîrî, Ehmedê Xanî, Salih Begê Hênê, Feqiyê Teyran yên li ser kartonan hestên cuda di hizrên mirovan de disêwirînin.

Ji bo xwestinê navnîşana Nûbiharê:

Büyükreşitpaşa Cad. Yümni İş Merkezi. 
No: 22/29. Vezneciler/Fatih. İstanbul
Tel: 0212 519 00 09
nubihar@gmail.com / www.nubihar.com