Diyarname

Vê hefteyê Yuregine Sor, Crazy Heart, Precious, Anadolu’nun Kayip Şarkilari, Shutter Island û Ay Lav Yu şeş fîlm ketin vîzyonê. Yuregine Sor bi mijar û kişandina xwe derdikeve pêş. Belgefîlmê "Anadolu'nun Kayip Şarkilari" jî dikeve dû stranên ku heta niha bi qedexeyan nekarîne bêne vegotin.

Vane fîlmên vê hefteyê:

Yuregine Sor - Ji dilê xwe bipirse

Derhêner: Yusuf Kurçenli
Lîsitkvan: Tuba Buyukustun, Kenan Ece, Hakan Eratik, Aliye Esra Salebci

Dîrok di destpêka sedsala 20'an e. Osmanî tazmînak qebûl kiriye. Esma û Mustafa ji hev hez dikin lê li pêşiya wan astengiyeke heye: Mustafa bi awayekî veşartî xiristiyanekî ye lê Esma keçeke misilman e. Esma jî têde her kes wî wekî misliman dizane. Ji aliyê din bi vesazkirinên zagonî yên Osmanî xiristiyan û misilman bûne wek hev. Dêr dixwaze xiristiyanên ku heta niha xwe veşartine xwe eşkere bikin. Bûyerên piştî vê yekê, evîna Mustafa û Esma, û efsaneyên li ser çîrokên evîndaran dikevin nava hev. Çîroka wan jî dibe efsaneyeke. Fîlm li Behra Reş hatiye kişandin. Xwezaya wê derê jî xweşikiya xwe tevî li vê xweşikiya çîrokê kiriye. Fîlm hêjayî temaşekirinê ye.

Ji bo fragmanê: Yuregine Sor

***

Çilgin Kalp - Dilê Şeyda - Crazy Heart

Derhêner: Scott Cooper
Lîstikvan: Jeff Bridges, Colin Farrell, Maggie Gyllenhaal, Robert Duvall

Zemanekî navdarê muzîkê country Bad di 57 saliya xwe de stranbêjekî alkolîk e. Di bajaroka biçûk de ew digel gîtarê stranên xwe distrê. Heta niha bi gelek jinan re ketiye têkiliyê lê niha bi tek û tenê ye. Ji rojan rojekê Jean dikeve nav jiyana wî. Rojnamegera ku li dû nûçeyeke baş e di heman demê de dev ji mêrê xwe berdaye û digel zarokê xwe yê 4 salî bi tena serê xwe dijî. Her ku hev nas dikin Jean însanê di nav Bad de nas dike.

***

Acı Bir Hayat Oykusu - Precious

Derhêner: Lee Daniels
Lîstikvan: Gabourey Sidibe, Mo’Nique, Paula Patton, Mariah Carey

Fîlmê bi navê "Precios" li Tirkiyeyê bi navê "Aci Bir Hayat Oykusu" ketiye vîzyonê. Precios ku navê leheng e digel her tiştê jiyaye rewşa xwe ya heyî wekî qederekê dipejirîne û dike ku bikeve nav dinyayeke xeyalî. Fîlm dike ku jiyanê wekî fikra diyariyekê pêşkêş bike û di heman demê de nîşan dide ku mirovên bêçare ne tenê ne, her dem kesên ku alîkariya wan bikin hene.

***

Anadolu’nun Kayip Şarkilari

Derhêner: Nezih Unen
Lîstikvan: Cemile Yıldırım, Çetin İçten, Osman Turan, Osman Efendioglu

Belgefîlmê bi navê "Anadolu'nun Kayip Şarkilari" li ser Anatoliya ku bi 10 hezar salan di nava xwe de çandên antîk, împaratorî, mîtolojî hebandiye ye. Belgefîlm rêwîtiyeke muzîkal a ber bi cihên egzotîk e. Performansên otantîk ên gelên Anatoliyê ku bi awayekî xwezayî hatine tomarkirin derdikevin pêşberî temaşevanan. 20 stranên cihê ji nû ve hatine sazkirin lê hin jê wekî xwe, orjînal hatine hiştin. Belgefîlm ji bo kesên ku dixwazin bikevin dû stranên Anatoliyê deriyekê vedike.

***

Ay Lav Yu

Derhêner: Sermiyan Midyat
Lîstikvan: Sermiyan Midyat, Kathie Gill, Steve Guttenberg, Mariel Hemingway

Li gundê Tinne moxtar Yusuf Axa ji bo gund bide nasîn nameyeke ji mezinên dewletê re dişîne. Kurê xwe Îbrahîm jî ji bo bixwîne dişîne zanîngehê. Keşe Hana xwedî li Îbrahîm derketiye. Îbrahîm dema tê 30 saliya xwe digel hezkiriya xwe ya amerîkayî Jessica vedigere gund. Gundê Tinne gelo wê bibe warê Îbrahîmê kurd û Jessicaya amerîkayî? Fîlmê komedî li Midyadê hatiye kişandin.

***

Zindan Adasi - Girava Zindanê - Shutter Island

Derhêner: Martin Scorsese
Lîstikvan: Leonardo DiCaprio, Mark Ruffalo, Ben Kingsley, Michelle Williams

Li Girava Zindanê ya qeraxa Massachussets nexweşxaneyeke psîkiyatrî heye û mirovên kêmaqil têde têne dermankirin. Polîsên bi navê Teddy û Chuck li ser nexweşekî kêmaqil Rachel ku ji nişke ve ji holê winda bûye lêkonînê dikin. Ji ber bahoza bi şid karê polîsên ku ketine dû vê lêkolînê zor e.

***

Bi şertê nîşandayîna çavkaniyê her kes dikare nûçe, nivîs û fotoyên Diyarnameyê bikar bîne. Bêyî nîşandayîna çavkaniyê bikaranîna nûçe, nivîs û fotoyên Diyarnameyê qedexe ye.