Diyarname
Di çarçoveya projeyê dengê bajêr "Sound of the City" de ku bi birêvebriya bajarê Wuppertalê û bi hevkariya mala Opera û mala şanoyê li bajêr bi rê ve diçe, wê nivîskar Helîm Yûsiv şeveke wêjeyî û hunerî di bin sernavê " windabûna welatekî" de lidarxîne.
Şeva ku ji sê beşan pêk têde beşa wêjeyî, beşa şanogerî û beşa muzîkê heye û 15’ê gulanê li dar dikeve.
Beşê wêjeyî, edebî: Helîm Yûsiv - Jurgen Kasten
Li ser mijarên cihê jidayikbûnê, derbideriyê, jidestçûna welat û tarûmarbûna xewnan wê Helîm Yûsiv li ser serboriya xwe, wisa jî wê nivîskarê alman Jurgen Kasten li ser serboriya xwe, tekstên wêjeyî bixwînin. Xwendina tesktan dê ligel ûdjen Mihemed Elmensûrî û dengê ûda wê li dar bikeve.
Beşê şanogeriyê: Koma Wupperspuren ya bajêr.
Şanogeriya"Rawestgeha tirênan ya cîhanê" ya ku Helîm Yûsiv nivîsandiye, wê ji hêla koma Wupperspuren ve bê lîstin. Şanogerî behsa mezintirîn rawestgeha trênan ya cîhanê dike û her kesek li benda hatina trêna welatê xwe ye.
Beşê muzîkê: Koma muzîkê ya orkestraya sûriyên li derbideriyê SEPO
Li ser mijarên welat û derbideriyê, xweşiya welatê dayikê û bêrîkirinê, Wê "Xumasî Dîmeşq elweterî" çend perçeyan ji muzîka sûrî û rojhilatî pêşkêş bike.
Zimanê şevê elmanî ye û bilêtên şevê bi riya malpera mala Opera ya Wuppertalê têne belavkirin.
Cih: Wuppertal - Mala şanoyê
Dem: 15.05.2018 - Demjimêr : 20:00
Foyer im Schauspielhaus, Bundesallee 260
Ji bo bilêt û agahiyan:
http://www.oper-wuppertal.de/oper/spielplan/detailansicht-auffuehrung/?tx_wbfe_pi1%5Bperformance%5D=1894