Diyarname

Hin kesên Amerîkayî ku ji bo li hemberî çeteyên DAIŞ'ê şer bikin beşdarî YPG'ê bûbûn, niha ew dibin mijara fîlmekî. Hat gotin ku dê Daniel Espinosa fîlm bikişîne û lîstikvanê ji DYA'yê Jake Gyllenhaal têde bilîze.

Senaryoya fîlm bingeha xwe ji nivîsa Seth Harp a di "Rolling Stone" de bigire ku senaryo li ser çîrokek rastîn tê sazkirin.

Fîlm dê qala aktîvîstên amerîkayî yên ku ji bo têkibrina DAIŞ'ê çûbûn Sûriyeyê û beşdarî YPG'ê bûbûn bike. Sazkara fîlm Riva Marker li ser projeyê wisa gotiye: "Di vê serdema ku em hindik têkilî ligel  dinyayê digiren de mijarên li ser lêgerîna nasnameyê bala me dikişînin. Çîroka Seth li ser di mercên herî dijwar de lidûxwehiştina tiştên mirov lê bibe şahid e."

Derbarê gelo kengê dê fîlm bê kişandin tu agahî nehat dayîn. Derhêner Daniel Espinosa û lîstikvan Jake Gyllenhaal berî jî di projeyek de hatibûn cem hev. Di fîlmê "Life" ê Espinosa ku îsal at kişandin de Gyllenhall serlîstikvaniya wê kiribû.