Diyarname

Kovara aborî ya amerîkî Forbes ku her sal lîsteya "Dewlemendên Herî Mezin ên Dinyayê" amade dike îsal jî amade kir. Di lîsteyê de xwediyê Amazonê Jeff Bezos wekî herî dewlemend di destpêka lîsteyê de cih girt. Bezos par jî di rêza yekem de cih girtibû.

Bezos par 19 mîlyar dolarên din li serwetê xwe zêde kiriye û serwetê wî gihîştiye 131 mîlyar dolarî. Di lîsteyê di rêza duyemîn de avakarê Microsoftê Bill Gates cih girtiye. Gates 6 mîlyar dolar li serwetê xwe zêde kiriye û gihîştiye 96,5 mîlyar dolarî.

Li gor lîsteyê di nav 20 dewlemendên pêşî de 14 jê ji DYA'yê (Dewletên Yekbûyî yên Amerîkayê) ne. Di rêza sêyem de bi 82.5 mîlyar dolarî karsazê amerîkî Warren Buffett cih girtiye. Di rêza çarem de jî xwediyê kompaniya LVMH Bernard Arnault ê fransiz cih girtiye.

Xwediyê Facebookê Mark Zuckerberg li gor par 9 mîlyar dolar ji serwetê xwe winda kiriye û bi 62.3 mîlyar dolarî daketiye rêza 8'an.

Di nav 20 kesên herî dewlemend e 14 jê ji DYA'yê, 2 jê ji Asyayê ne. Ji van ji Hindistanê xwediyê kompaniya Reliance Industries Mukesh Ambani heye ku di rêza 13'an de cih girtiye. Ji Çînê Ma Huateng ku rêveberê kompaniya mezin a înternetê Tencent e di rêza 20'emîn de cih girtiye.