Diyarname

Bi destpêka demsala nû ya tûrîzmê ango gerûgeştê re awir careke din zîvirîn ser Tirkiyeyê. Li gor par heta niha li Almanyayê sedî 58 kêmtir kesan bilêtên xwe yên gerûgeşta li Tirkiyeyê birîne.

Li Berlînê fuara herî mezin a cîhanê ya tûrîzmê dest pê kir û heta 12'yê mehê dê bidome. Tirkiyeyê girîngiyeke mezin daye fuarê. Ji bo eleqe bilindtir bibe, Wezîrê Karên Derve yê Tirkiyeyê û çend wezîrên din jî beşdarî fûara hê jî berdewam dike kirin. Lê ji ber rewşa Tirkiye ya ewlehî û siyasî eleqeya ji bo gerûgeşta li Tirkiyeyê di asta herî nimz de ye.

Serokê Yekîtiya Gerûgeştê ya Almanyayê (DRV) Norbert Fiebig li fûarê da zanîn ku wan hejmarên sala borî yên ku ji meha cotmeh heta çile ku ji bo havînê bilêtên tûrîstiyê ji bo Tirkiyeyê dane ber hev û Tirkiye ketiye di reşiyê de. Li gor Fiebig hejmara kesên bilêtên xwe ji bo havîna îsal kirîne ji sedî 58'ê kêmtir kiriye. Fiebig dibêje ku divê ketina hejmara tûrîstên par çûbûn Tirkiyeyê jî li ber çavan werin girtin û bi bîr dixe ku par jî li gor salên berê hejmar derdora sedî 30 heta 40 daketibû.

Di sala 2013'an de 5,1 mîlyon û di 2015'an de 5,6 mîlyon tûrîst ji Almanyayê hatibûn Tirkiyeyê. Di 2016'ê de ev hejmar ji ber rewşa ewlehî û siyasî ya Tirkiyeyê daketibû 4 mîlyonan.