Diyarname

Nivîskar Omer Dilsoz ku heta niha 6 roman û pirtûkek helbestan diyarî pirtûkxaneya kurdî kiriye, vê carê bi nivîsên xwe keda xwe dixe nav Diyarnameyê. Dilsoz dê di quncikê xwe yê bi navê "Rojgar" de nivîsên xwe pêşkêş bike. Nivîsa yekemîn 26'ê mehê tê.

Omer Dilsoz, di sala 1978'an de li Gûzereşa ku bi ser parêzgeha Hekarê, bajarê Culemêrgê ve ye hatiye dinê. Xwendina xwe li vî bajarî kiriye. Heta niha di gelek kovar û rojnameyên kurdî de pexşanên wî weşiyane. Ew ligel nivîskariyê bi karê rojnamegeriyê ve mijûl e û demek di rojnameya Azadiya Welat de karê edîtoriyê kiriye.

Dilsoz ku niha li bajarê Amedê niştecî ye û bi karê rojnamegeriyê mijûl e heta niha bi navê “Bila Gotineke Min û Te jî Hebe” komalek helbestan derxistiye û ligel vê ev 6 romanên wî derketine:

“Hêviyên Birîndar/Gûzereş”, 

“Bêhna Axê”, 

“Neynika Dilî”, 

“Berbiska Zer”, 

“Hevrazên Çiyan” 

“Ez û Min “ê ye. 

Em xêrhatinê lê dikin, hêvî dikin dimek dirêj emê bi hev re ji bo kurdî kedê bidin.