Diyarname
Malpereke din li malperên kurdî vebû: E-wêje. Ew dê li ser wêneyê tiştinan biweşîne.

Li gor di portalê de hatiye diyarkirin e-wêje dê di bin beşên 'Berhemên nû', 'Ziman & perwerde', 'Deng & dîmen', 'Nûçe', 'Portre' de nivîs bêne weşandin.
e-wêje di nivîsa xwe ya destpêkê "Wêje dibêje!" de wisa gotiye: "Navê min wêje û bi navê min gaziyê min bikin. Bi xameya Meleyê Cizîrî dikim hûn ji derî navê min bar, piştî, nav û nûçikên din li min bikin, ez tucarî ne dipejirînim û ne jî dikarim ji bin barekî weha giran derkevim. Bi tenê wêje bêje, bêje wêje, lêbelê baş li bêjingê bixe biwêje û bipêje!
Carnan jî ziman, wane, werger, psîkoloji, sosyolojî, lêkolîn, dîrok û bi taybetî  zarok marok, perwerde jê re derd e û dev û dest jê bernade. Polîtîka, nûçe mûçe, kopî mopî divê nêzîkî me nebe, ku bi şaşî maşî jî hat  pêwîst e bi lez û bez  biçe. Em napirsin ma ev kî ye?  Ji bo me girîngtirîn ev e ku wê/wî çi nivîsiye!"

Di nav nivîskarên portalê de niha Amed Tîgrîs û Robîn Rewşen hene.

Ji bo kesên eleqedar navînaşana portalê ev e: www.e-weje.com

Li ser navê Diyarnameyê em dibêjin bila rêya we vekirî be.