Diyarname
Komîteya Parastina Rojnamegeran (CPJ) û Navenda Metro êrîşên hêzên ewlehiyê ya Hikumeta Kurdistanê ya li ser rojnamegeran şerzar kir. Rojnamegeran di dema rûmalkirina xwepêşandanên gundê Lacan de bûyer dişoqand û hêzên ewlehiyê ku li Hewlêrê wekî girêdayî PDK'ê têne dîtin êrîşê rojnamegeran kir. Her du saziyan bi tundî ev êrîş şermezar kir.

CPJ ku rêxistineke navnetewî ye di daxuyaniya belav kir de got ku “sînordarkirin û astengkirina berdewam ya çalakiyên rojnamegeriyê” ne cih de dît û şermezar kir.

CPJ’yê di peyama xwe de got; “Hêzên ewlehiyê êrîşî tîmek Channel 8 kirin û tîmeke kanala NRT jî binçav kir. Her wiha rê li ber dezgehên din yên ragihandinê girtin ku xwepêşandanan bişopînin. Vê tevgerê fikarên komîteyê zêde kirine.”

CPJ di dawiya daxuyaniya xwe de wiha got: “Divê rojnameger bi azadî, bê destdirêjî, çavtirsandin an destwerdanê bixebitin, da ku rastiyê eşkere bikin.”

Navenda Metro jî navenda wê li Herêma Kurdistanê ye. Rêveberê Navenda Metro Rehman Xerîb fikara xwe li ser êrîşa li ser tîmên ragihandinê li gundê Lacan anî ziman û got; “Êrîşa li ser rojnamegeran li Hewlêrê li gorî pîvanên navnetewî yên azadiya rojnamegeriyê, yasaya rojnamegeriyê û azadiya ramanê li Herêma Kurdistanê hevdû nagire.”