AMED

Li Amedê, 116 rêxistinên civakî yên sivîl bi daxuyaniyeke hevpar, operasyonên PDK'ê yên li dijî saziyên kurdan, şermezar kirin. Di daxuyaniyê de wiha hat gotin: "Emê tu carî rê nedin ferasetên siyasî ku destketiyên xwe yên aborî û malbatî, ji ser destketiyên neteweyî re digirin û zirarê didin yekîtiya neteweyî."

116 rêxistinên civakî yên sivîl bi pêşengiya Kongreya Civaka Demokratîk (KCD) û BDP'ê hatin cem hev û bi daxuyaniyeke çapemeniyê PDK hişyar kirin.

Di daxuyaniya li ber avahiya KCD'ê de Hevşaredarên Bajarê Mezin ên Amedê Gulten Kişanak û Firat Anli, Hevşarêdarên Navçeyên Amedê, Hevseroka Rêxistina BDP'ê ya Amedê Zubeyde Zumrut, nûnerên rêxistinên civakî yên sivîl û gelek kes amade bûn. 

Di dema dayîna daxuyaniyê de dayikên aştiyê dowîzên bi nivîsa "Em nebin yek, emê herin yek bi yek!" û "Ey Barzanî Kurdistan yek e perçe neke, ev îxanet e" hilgirtin.

Metna hevpar a 116 rêxistinên civakî yên sivîl, ji aliyê Hevseroka Rêxistina BDP'ê ya Amedê Zubeyde Zumrut ve hat xwendin. 

Zumrut got, "Gelê kurd ê ku ji gelên herî qedîm ê xaka Mezopotamyayê ye, di du sed salên dawî de bi komkujî û êşên gelek giran re rû bi rû ma ye. Mêtîngeran xwestiye ku dîroka gelê kurd veguherînin dîroka qetlîam û êşan. Gelê kurd ê ku naxwaze careke din van komkujî û êşan bijî, bi rêxistin û berxwedêriya xwe, xwe ji nû ve diafirîne."

DIVÊ YEKÎTIYA NETEWEYÎ BÊ XURTKIRIN

Zumrut diyar kir ku çavê gelê kurd di ax û mafê tu gelî de nîn e û got: "Tenê dixwaze wekî hemû gel û neteweyên din, bi nasnameya xwe di nav wekhevî û azadiyê de bijî. Li hemberî vê xwesteka gelê kurd a însanî, demokratîk û gerdûnî, tehemul nayê kirin û êrîşên li hemberî destketiyên gelê kurd didomin. Darvekirinên Îranê ku gihîştine asta komkujiyê, êrîşên li hemberî Rojava, mînakên berbiçav ên vê bêtehamuliyê ne. Di pêvajoya têkoşîna azadiyê de, gelê kurd bi gelên din ên Rojhilata Navîn re li rojavayê Kurdistanê modeleke mînak a Xweseriya Demokratîk ava kiriye. Divê gelê Kurdistanê û gelên Rojhilata Navîn li van destketiyên Rojava xwedî derkevin û biparêzin. Mayîndebûna destketiyên gelê kurd, di heman dermê de tê wateya pêşketina aştî û demokratîkbûna Rojhilata Navîn jî. Ji bo vê, bihêzbûna yekîtiya gelê kurd, xwedî girîngiyeke dîrokî ye." 

Di daxuyaniyê polîtîkayên PDK'ê hatin rexne kirin û wiha hate gotin: "Di vê pêvajoya dîrokî de, ji bo valaderxistina êrîşên li hember destketiyên gelê kurd, ku divê Kongreya Neteweyî ya kurd bihata lidarxistin û ji ber helwesta PDK’ê heta niha pêk nehatiye. Ambargoya PDK'ê ya li hember Rojava, polîtîkayên kolandina xendekan û hwd. li Hewlêr, Duhok û Zaxoyê serdegirtinên KDP ê yên li hember gelek saziyên kurdan û dîsa binçavkirina gelek kesan û dorpêçkirina Kampa Mexmûrê, bi tu awayî nayê qebûlkirin. Di bingeha xwe de ev êrîş, serdegirtin û binçavkirin li hemberî hemû sartî û saziyên gelê Kurd in. Ev serdegirtin û binçavkirin, dişibin operasyonên qirkirinên siyasî ku di bin navê KCK'ê de li Tirkiyeyê li hember partî, sazî û rêxistinên gelê kurd hatibûn lidarxistin.

Tê zanîn ku di demên dawî de têkiliyên aborî û siyasî yên di navbera AKP û PDK'ê de bi pêş dikevin. Piştî van pêşketinan, pêkhatina van operasyonan watedar e. Em di pêvajoyeke dîrokî de ne. Di vê demê de, ev polîtîkayên ku zirareke mezin didin têkoşîna azadî û demokrasiya gelê kurd, nîşaneya xefletê ne." 

DIVÊ JI BO GELÊ KURD LÊBORÎN BÊ XWESTIN

Zumrut ji ber êrîşên li dijî saziyên kurdan ji PDK'ê xwest ku ji gelê kurd lêborînê bixwaze û bi vî rengî dawî li daxuyaniyê anî:

"Bi van polîtîkayên xwe, PDK zirareke mezin dide dahatuya Rojhilata Navîn û siberoja gelê kurd a azad. Divê PDK ji van polîtîkayên xwe yên şaş û li dijî yekîtiya gelê kurd, demekê berî ya din, dev berde. Kesên ku hatine binçavkirin demek zûtirîn serbest werin berdan. Ji ber van polîtîkayên xwe yên çewt û dijberker ji gelê kurd em wekî saziyên sivîl ên kurdistanî dibêjin ku, bila herkes bizanibe em ê tu carî rê nadin, feresetên siyasî ku destketiyên xwe yên aborî û malbatî, ji ser destketiyên neteweyî digirin û zirarê didin yekîtiya neteweyî.  

Em vê helwesta PDK'ê şermezar dikin û bang li hemû saziyên civakî û siyasî yên kurdistanî dikin ku, li hember polîtîkayên PDK'ê yên ku hêzê nadin yekîtiya neteweyî, dengên xwe bilind bikin û helwesta xwe nîşan bidin."

SAZIYÊN ÎMZE AVÊTINE BINÊ DAXUYANIYÊ

1.    AKADEMIYA ZIMAN A AHMEDÊ XANÎ

2.    KOOPERATÎFA JINÊ YA BAGLARÊ

3.    MECLÎSA DAYIKÊN AŞTIYÊ

4.    RÊXISTINA BDP'Ê YA AMEDÊ

5.    BELÇAD

6.    BELEDIYE-ÎŞ

7.    SENDÎKAYA XEBATKARÊN VEGUHASTINÊ YA YEKBÛYÎ(BTS)

8.    ODEYA HEKÎMÊN DIRANAN ÊN HERÊMÊ

9.    SENDÎKAYA KEDKARÊN BURO (BES)

10.    BUŞAK-DER

11.    NAVENDA ŞÊWIRMENDIYA JINÊ YA CEREN

12.    KOMELEYA JINÊ YA CEREN

13.    KOMEELYA DILXWAZÊN HAWIRDORÊ

14.    ODEYA ENDEZYARÊN HAWIRDORÊ

15.    DEV EMEKLÎ-SEN

16.    DEV-SAGLIK ÎŞ

17.    NAVENDA ÇANDÊ YA DÎCLE FIRATÊ

18.    KOMELEYA ASTENGDARÊN DÎTINÊ YA DÎCLE

19.    NAVENDA LÊKOLÎNÊN CIVAKÎ YA DÎCLE

20.    KOMELEYA XWENDEKARÊN AZAD A ZANÎNGEHA DÎCLE (DUO-DER)

21.    KOMELEYA PÊWIRMENDIYA WELATIYÊN AZAD Û WEKHEV A DÎCLEKENT

22.    DÎKASUM

23.    DÎAY-DER

24.    NÛNERIYA HERÊMÊ YA DÎSK'Ê

25.    ODEYA HEKÎMÊN DIRANAN

26.    SENDÎKAYA KEDKARÊN WEQF Û DIYANETÊ (DÎVES) 

27.    DIYAR GOÇ-DER

28.    DIYAR TUHAD-DER

29.    ODEYA TABÎBAN A AMEDÊ

30.    ODEYA PIŞESAZÎ Û BAZIRGANIYÊ YA AMEDÊ (DTSO)

31.    EGÎTÎM SEN

32.    ODEYA ENDEZYARÊN ELEKTRÎKÊ

33.    AKADEMIYA KEDÊ

34.    RÊXISTINA EMEP'Ê YA AMEDÊ

35.    ESM

36.    MECLÎSA ASTENGDARAN

37.    EPÎDEM

38.    RÊXISTINA ESP'Ê YA AMEDÊ

39.    KOMELEYA ŞÊWIRMENDIYA WELATIYÊN AZAD Û WEKHEV A FATÎHPAŞA

40.    KOMELEYA ASTENGDARÊN BEDENÎ YA GAP'Ê

41.    KOMELEYA ŞÊWIRMENDIYA WELATIYÊN AZAD Û WEKHEV A GAZIYAN

42.    GENEL-ÎŞ ŞAXÊ HEJMARA 1

43.    GENEL-ÎŞ ŞAXÊ HEJMARA 2

44.    WEQFA KOÇÊ

45.    ODEYA DERMANFIROŞAN

46.    GUNTÎD

47.    HABER-ÎŞ 

48.    HABER-SEN

49.    HARB-ÎŞ

50.    ODEYA ENDEZYARÊN NEXŞEYÊ

51.    KOMELEYA ŞÊWIRMENDIYA WELATIYÊN AZAD Û WEKHEV A HASIRLI

52.    RÊXISTINA HDP'Ê YA AMEDÊ

53.    NÛNERIYA HERÊMÊ YA ÎHD'Ê

54.    ŞAXÊ ÎHD'Ê YÊ AMEDÊ

55.    ODEYA ENDEZYARÊN ÎNŞAETÊ

56.    KOMELEYA AVAHIYAN A KARSAZAN

57.    ODEYA ENDEZYARÊN JEOFÎZÎK

58.    ODEYA ENEZYARÊN JEOLOJÎ

59.    AKADEMIYA JINÊ

60.    MALA JINÊ YA KARDELEN

61.    KOMELEYA PIŞTEVANIYA WELATIYÊN AZAD Û WEKHEV A KAYNARTEPE 

62.    ODEYA ENDEZYARÊN KÎMYA

63.    KOMELEYA IŞTEVANIYA WELATIYÊN AZAD Û WEKEV A KORXET

64.    NÛNERIYA SENDÎKAYA ÇAND Û HUNERÊ

65.    KURDÎ-DER

66.    ESTÎTUYA KURD

67.    KOMELEYA NIVÎSKARÊN KURD

68.    KURT-PEN

69.    KOMELEYA PİŞTEVANÎ Û ALÎKARIYÊ YA LICEYIYAN

70.    ODEYA ENDEZYARÊN KANÊ

71.    ODEYA ENDEZYARÊN MAKÎNE

72.    KOMELEYA PIŞTEVANÎ Û ALÎKARIYÊ YA ŞEMREXIYAN

73.    MEYA-DER

74.    YEKITIYA KULUBÊN MEZOPOTAMYA

75.    ODEYA MÎMARAN

76.    NAVENDA JINÊ YA NÛJÎN

77.    OSGÎAD

78.    AKADEMIYA DÎROKÊ YA ROJHILATA NAVÎN

79.    CEMIYETA ROJNAMEVANÊN AZAD

80.    ODEYA MÎMARÊN PEYZAJ

81.    KOMELEYA PÎR SÛLTAN ABDAL

82.    SENDÎKAYA KEDKARÊN TENDURISTIYÊ (SES)

83.    SAGLIK-ÎŞ

84.    ODEYA BAZIRGANÎ Û PIŞESAZÎ

85.    KOMELEYA SARMAŞIK

86.    KOMELEYA WELATIYÊN AZAD Û WEKHEV A SELAHATTÎN EYYÛBΠ

87.    SELÎS

88.    KOMELEYA PIŞTEVANÎ û ALÎKARIYÊ YA FARQÎNIYAN

89.    NAVENDA PÊŞVEBIRINA CIVAKA SIVÎL (STGM)

90.    ODEYA PLANSAZÊN BAJÊR

91.    KOMELEYA PIŞTEVANIYA WELATIYÊN AZAD Û WEKHEV A ŞEHÎTLÎK

92.    KOMELEYA PIŞTEVANIYA WELATIYÊN AZAD Û WEKHEV A ŞÊXŞAMÎL

93.    ODEYA AJOKARAN

94.    TARIM ORKAM SEN 

95.    SENDÎKAYA TEK-GIDA ÎŞ 

96.    TES-ÎŞ ŞAXÊ HEJMARA 1

97.    TES-ÎŞ ŞAXÊ HEJMARA 2

98.    TEZKOOP-ÎŞ

99.    TUHAD-FED

100.    TUM BEL-SEN

101.    TURK-ÎŞ HERÊMA 7. 

102.    HEWLDANA AŞTIYÊ YA AMEDÊ YA MECLÎSA AŞTIYÊ YA TIRKIYEYÊ

103.    KOMELEYA ANTRENORÊN FUTBOLÊ YA TIRKIYEYÊ ŞAXÊ AMEDÊ

104.    WEQFA MAFÊN MIROVAN A TIRKIYEYÊ (TÎHV)

105.    TZP KURDÎ

106.    ODEYA HEKÎMÊN VETERÎNER

107.    YAPI-YOL SEN

108.    YG21 MECLÎSA ASTENGDARAN A  KONSEYA BAJÊR

109.    YOL-ÎŞ ŞAXÊ HEJARA 1

110.    YOL-ÎŞ ŞAXÊ HEJMARA 2 

111.    KOMELEYA PIŞTEVANIYA WELATIYÊN AZAD Û WEKHEV A YÛNÛS EMRE

112.    ODEYA ENDEZYARÊN ZÎREETÊ

113.    KOOPERATÎFA AVAHIYAN A SÎTEYA PIŞEYÎ YA DUYEMÎN

114.    KOOPERATÎFA AVAHIYAN A SÎTEYA PIŞEYÎ YA SÊYEMÎN

115.    KOMELEYA PIŞTEVANIYA WELATIYÊN AZAD Û WEKHEV A 5 NÎSAN

116.    KOMELEYA 78'AN