Diyarname
Lîstikvanê navdar Tuncel Kurtîz vê sibê jiyana xwe ji dest da. Kurtizê hevalê Yilmaz Guney li Tirkiyeyê gelek hezkiriyên wî hebûn.
Tuncel Kurtiz di 1'ê reşemiya 1936'an de li Îzmîtê hatiye dinê. Ew lîstikvanê sînemayê, şanoger, senarîst, derhêner û sazkar bû.
Wî kurtedemekê zankoya hiqûqê xwendine lê paşê dest ji wir berdaye û beşên din ên wekî fîlolojî, felsefe, psîkolojî û dîroka hunerê xwendiye, lê wî yek jî temam nekiriye û hemû nîvco hiştine. Wî yekem car di 23 saliya xwe de di Şanogeha Dormen de dest bi şanoyê kiriye. Kurtiz bi fîlmên Yilmaz Guney di bîra kurdan de maye. Jixwe fîlmên Yilmaz Guney ên wekî "Umut" (Hêvi), "Suru" (Kerî) û "Duvar" (Dîar) ew derxistiya asta bilind a lîstikvaniyê.
Kurtiz jî Yilmaz Guney hevalên hev bûn; di gelekçalakiyên bîranîna Yilmaz Guney de ew bixwe jî hebû û qala bîranîna xwe kiribû.
Kurtiz heta niha di gelek fîlman, rêzefîlman de cih girtiye. Wî di heman demê de deng dida belgefîlman jî ku yek ji wan belgefîlmên BBC bûn ku ji bo NTV deng dida.
Kurtiz ku di sala 1981'ê de Xelata Senaryoya Herî Serketî digel Nurettin Sezer girtibû, heta niha li Tirkiye û derveyî Tirkiyeyê gelek xelat girtibû.
Herî dawî di sala 2011'an de Festîvala Fîlman a Porteqala Zêrîn "Xelata Serketina di Hemû Jiyanê de" dabû wî.
Kurtiz vê serê sibê li Etilera Stenbolê li mala xwe piştî li erdê ketiye serê wî li cihnan ketiye û wefat kiriye.
Sibê (28'ê mehê, saet 11.00) li Şanogeha Muhsin Ertugrul dê ji bo wî merasimeke li dar bikeve û du sibê jî dê bi merasimekê cenazeyê wî bê definkirin.
BDP'ê peyam weşand
BDP'ê li ser wefata Kurtiz bi şanenava Hevserokên BDP'ê Gultan Kişanak û Selahattin Demirtaş peyamek weşand, ji bo malbata wî aramî xwest.