Diyarname
Spanyayê bi 3-0 Rusya têk bir û derket fînalê. EURO 2008 di fînalê de dê li  maçeke xweş temaşe bike.

Spanya bi teknîk dîrektorê xwe yê 70 salî, bi kalo derket sehayê. Rusya bi teknîk dîrektorê xwe yê ku her serketin anî Hiddink li sehayê bû. Maç bi şerê taktîkan dest pê kir û di taktîkfiroşiyê de Luis Aragonesê 70 salî bi ser ket.

Şagirtên Aragones, Xavi Hernandez, Guiza û David Silva golên Spanyayê avêtin û derketin fînala Şampiyonaya Ewropayê.

Fînal dê 29'ê mehê li Viyanayê li sehaya  Ernst Happel di navbera panzêrên alman û boxayên spanyolan de bê lîstin.

Wekî notek: Di her maçê de maf ew e ku tenê sê lîstikvan dikarin bêne guhartin. Teknîk dîrektorê Spanyayê Aragones deqîqeya 35'an de lîstikvanekî guhart. Deqîqe 69 bû û Spanya 1-0 li pêş bû. Aragones rabû du lîstikvan bi hev re guhart, şirovekarê di televîzyona ATV'ê de wisa dibêje; "Şaşî kir. Hê gelek maç maye. Niha futbolkarekî wî seqet bikeve dê çawa bike?" Şirovekarên li Tirkiyeyê her dest davêjin karên teknîk dîrektoran...Lê her carê jî wekî wan çênabe. Nizanin bisekinin. Belê, Aragones du listîkvan bi hev re guhartin û piştî vê guhartinê bi 4 deqîqeyan, di deqîqeya 73'yan de Guizayê ku ket maçê gol avêt. Di encamê de guherîna taktîka Aragones tesîreke mezin li maçê kir, Spanyayê sê gol avêtin, çend heb jî ji dest revandin.

Kunyeya Maçê:

Stad: Ernst-Happel
Hakêm: Frank De Bleeckere, Peter Hermans, Alex Verstraeten (Belçîka)
Rusya: Akinfeev - Anyukov, Berezutski, Ignashevich, Zhirkov - Zyryanov, Semak, Semshov (Dq. 56 Bilyaletdinov), Saenko (Dq. 57 Sychev) - Arshavin, Pavlyuchenko
Spanya: Casillas - Sergio Ramos, Marchena, Puyol, Capdevila - Iniesta, Senna, Xavi Hernandez (Dq. 69 Xabi Alonso), Silva - Villa (Dq. 35 Fabregas), Torres (Dq. 69 Guiza)
Gol: Dq. 50 Xavi Hernandez, dq. 73 Guiza, dq. 82 Silva