Diyarname
Di Kûpaya Zîraatî ya Tirkiye de tîmê Konya û tîmê Stenbolê Başakşehîr veciyaybî fînal. Maçey fînalî ke Eskîşehîr de hame kaykerdişî 90 deqe de şûtê wirdî hetan bîbî, ataqê wirdî hetan bîbî la gole çinêbî. Dima ra 30 deqew bîn hame kaykerdiş û reyna jobînî nêxerepiya, yê serkewte go bi penaltiyan veciyayne orte.

Vernî de serê namey Konya de Bora penaltî eyşte û bî gol. Dimara serê namey Başakşehîrî de Emre penaltî eyşte û bî 1-1. Konya ra Bajic penaltî kerde gole, la Başakşehîr ra Upuriano nêeşka bike gole. Konya ra Yukovic hame gole eyşte, la Başakşehîr ra Cengîzî jî nêeşka gole berzo û ajantaj kewt destê Konya. Ger na penaltî bibayne gole ga Konya kûpa bigiro û Skobic hame goge na ro serê cay sipê û bî gol: Kûpa jî bê ê Konya.

Emsar 55'inan rey tûrnûvay Kûpay Tirkiye hame kaykerdişî û wayîr bî Konya. Konya Spor di serey 1922 de hamiya viraştiş la dimara vila biya û Konya Spora enkay di serey 1981 de viraziya wa. Dimay Derbey 1980'î Serfermandarê Artêşa 2'yinan Orgeneral Bedrettin Demirel di klûban Îdmanyurdu û Konya Sporî ano têhet û keno jo taxim Konya. Di tarîxey xo de rey joyînan a Konya vecêna fînal û rey joyînan a kûpa gêna. Teknîk Dîrektorê Konya Sporî Aykut Kocaman o. Kocaman ke serê Fenerbahçî de jî ene kûpa girotebî, zemanê teknîk dîrektorî yê de bî di kûpay ê. Û gorey vatişan ra ew emsar reyna şino serê Fenerbahçî.