Batman
Platforma Demokrasiyê ya Batmanê berî hatine Serokwezîr Recep Tayyip Erdogan a Batmanê li bîlboardên bajêr afîş daliqandin.
Platform ku 46 saziyên sivîl di navê de cih digirin di afîşên daliqandin de ji bo Erdogan qisa gotin:
- Li Batmanê gorên komî hene, tu bi rastiyan re rû bi rû bibî?
- Tu tê sersaxiya malbata ciwanên ku hêzên te yên ewlehiyê ew kuştin?
- Tu hatî sersaxiya esnafên ku te perîşan kirine?
- Bi projeya yekbûyîna neteweyî ku êşa sedan salan te bi kurdan daye kişandin, tu tê bibêjî sekan tuneye, em didomînin?
- Pembû, genim û titûn nayê ajotin, tu tê li erdê cotkaran dinêrî?
- Li cem gel bizin û mî neman, tu tê angusan belav dikî?
- Girtina Şaredarê ku bi sedî 60 hatiye hilbijartin ne bes e tu tê yên mayî jî bidin tewqîfkirin?
- Walî û hêzên emniyetê bi gaza çavsotîner, ava bi tayzîk û copan êrîşê mebûs, jin, zarok û kona çareseriyê kirin, tu tê wan pîroz dikî?
- Tu tê ku dîsa bibêjî yek dewlet, yek milet, yek ziman? Tu tê bibêjî kurd heye lê pirsgirêka kurd nîn e? Ji bo Xwedê tu ji bo çi tê Batmanê?