Diyarname

Meclisa Parlemeteran a Konseya Ewropayê (MPKE) li ser hilbijartina 24'ê pûşperê ku li Tirkiyeyê dê li dar bixe biryarek girt û bang li Tirkiyeyê kir: Hilbijartin ne li gor krîterên Ewropayê ye û bi paş ve bixin.

Li gor nûçeya Kayhan Karaca a di Doutsche Welle beşa Tirkî de li ser hilbijartina ku li Tirkiyeyê dê çêbibe MPKE'yê biryar girtiye û wisa gotiye: "Zagona hilbijartinê tenê mehek berî biryardayîna hilbijartinê hatiye guhartin, OHAL (Rewşa Awarte) didome, şik di warê ewlehiya hilbijartinê û zelaliya vê mijarê de hene û pisûlayên bêmohr ê li ser nîqaş hene. Ev yek nîşan didin ku dê hilbijartin di rewşek demokratîk de çênebe."

Di biryarê de qala bendava hilbijartinê ya sedî 10 jî hatiye kirin û diyar kirine ku ev yek ne li gor piraniya siyasî ye.

Her wiha di pergala nû ya hilbijartinê de polîs dikarin herin ofîsên hilbijartinê ku ev yek jî wekî xalek tirsnak hatiye binavkirin. Di encama van yekan de diyar kirine ku nikare hilbijartineke demokratîk a rastîn çêbibe û dê meşrûbûna hilbijartinê bikeve bin lêpirsînê; di dawiyê de bang hatiye kirin ku hilbijartin bê bipaş ve xistin.

**

Nûçeyên Eleqedar:

- Partiyên dê beşdarî hilbijartinê bibin diyar bûn 

- Ji CHP'ê 15 mebûs derbasî Îyî Partî bûn 

- Hejmara mebûsên bajarên kurdan diyar bû 

- Kîjan partî dê çiqas pere ji xezîneyê bigire? 

- DYA: Ev yek dê ne hilbijartineke adil be 

- Onder kincên qezenc kirin dê diyarî bike 

- YSK: Em ji bo hilbijartinê amade ne