MÊRDÎN
Li Nisêbînê Şaxa KURDÎ-DER'ê, bi diruşma ku di hemû qadên jiyanê de kurdî bê bikaranîn û bibe zimanê bazarê li esnafên Hala Fêkiyan a Nisêbînê tabelayên ku li ser bahayê fêkiyan nivîsandibû belav kir.
Serokê Şaxa KURDÎ-DER'ê Abdullah Alper, Serokê Rêxistina BDP'ê ya Nisêbînê Suleyman Çîftçî, Şaredara Nisêbînê Ayşe Gokkan û nûnerên MEYA-DER'ê beşdarî xebatan bûn.
Komê tabelayên ku buhaya fêkiyan li ser bi kurdî hatibû nivîsandin li esnafên halê belav kir.
Esnafan tabela danîn ser dezgehên xwe.
Serokê Şaxa KURDÎ-DER'a Nisêbînê Abdullah Alper der barê xebatên de agahî da û got: "Bi taybetî lazim e zimanê kirîn û firotinê yanî yê bajarê bibe bi kurdî."
Şaredar Gokkan jî diyar kir ku li vî welatî Serokomar û Serokwezîr jî bi kurdî axivîn û televîzyonê 24 saetan bi kurdî weşanê dikin vedikin lê dema ku kurd bi zimanê xwe diaxivin ev yek dibe sedema sûc.