Diyarname
Nivîskarê kurd ê navdar û mamosteyê Zanîngeha Selahedînê Ferhad Pîrbal roja 11'ê avrêlê li Hewlêrê hat girtin. Hatg otin ku Dozgeriya Hewlêrê bi madeya 226'aan bi hejmara 111'ê ew girtiye. Îdîa ew e ku Pîrbal gotinên xirab kirine.
Ferhad Pîrbal ev demek bû li hemberî hikumeta Başûr muxalefet dikir, rexneyên xwe dianîn ziman.
Piştî girtina Pîrbal gelek nivîskarên kurd di nav tora civakî de piştgiriya xwe ya ji bo wî anîn ziman û xwestin ew bên berdan. Ji van gotinên nivîskaran me hin dan hev (Me li gor rêza alfabeyê nav rez kirin):
Cîhan Roj:
Azadiya nivîskaran azadiya fikir û ramanê ye
Çiya Mazî:
Ferhad pirbal , rêberekî wêjeya kurdî ye, negirin, ceza nekin, ev rûreşî ye, serbest berdin!
Dilawer Zeraq:
Ferhad Pîrbal berdin û jê lêborînê bixwazin
Elîxan Loran:
Ferhad Pîrbal ji ber tu form û normên paşverû, gendelparêzî, dijminhebîn, tabû û zagonên feodal danexwariye û her sal ji aliyê asayîşa çekdar a hikumeta Başûr Lêdanê dixwe. Azadî ji bo Ferhad Pîrbal. Şerm û rûreşî ye ku hikumeta Başûr nivîskaar û ronakbîran destgîr dike.
(Piştî demek bi ser girtina Pîrbal re derbas dibe nûçeyên "Ew nexweş e" li çapemeniya Başûr tê belavkirin, Loran vê carê notek wisa diweşîne): Di dîrokê de di demên herî feodal û faşîst de, nivîskar ûzana bi hincetên 'dîn û nexweş' hatine girtin, şewitandin û qetilkirin. Heke Ferhad Pîrbal 'nexweş' be jî, divê pispor û bijîşk daxuyaniyê bidin! Navê muxalefet û ramyariyê nekin 'nexweş'.
Fêrgîn Melîk Aykoç:
Divê Ferhat Pîrbal hima were berdan. Ji ber ku birêz Pirbal serkariya Hewlêrê rexne kiribû, carê jî bi destê kesekî saziya parastinê bi lêdanê gef lê hatibû xwarin.
Xuyaye geflêxwarin têr nekiriye, lema ew avêtine zindanê. Serkarî û tevgerên nivîskaran, rexnegiran, zanyaran bavêjin zîndanê ew li ser xeta dîktatoriyê ne.
Kesên li hember vê girtinê bêdeng bin jî, ne rewşenbîr, tenê reşbîr in. Sebep çi dibe, bila bibe, ez vê girtinê bi tundî şermezar dikim.
H.Kovan Baqî:
Ferhad Pîrbal kurrxasé Ca min e. Wî weke taca şerefé dînin ser seré xwe, yan na ez é ji we û kurdbûna we şerm bikim hetta bi hetta.
Sîdar Jîr:
Ji Bo Cenabê Kak @masoud_barzani
Heger Ferhad Pîrbal wekî xetereyekê were dîtin ji bo welatekî, ev dîtin ji bo siberojê xetere ye. Hêvîya min -wekî ya gelek Kurdan- ji cenabê kak @masoud_barzani ew e ku hay ji vê yekê hebe. Wekî J P Sartre, hemû Ferhadên me wijdanê Kurdistanê ne!
Yeqîn H.:
FerhatPirbal di Kurdistana ku qaşo Azad e de dîlgirtî ye!
Şermezarkirina Rêvebiriya Başûr kêm e, hindik e, ne bes e!
Zekî Ozmen:
Nivîskar û mamostê zanîngehê Ferhad Pîrbal ji 11'ê meha borî ve li Hewlêrê ji ber heqaretkirina li dezgehên hikûmî girtî ye. Demek e Pîrbal bi dînbûnê dihat tewambarkirin. Dibe jî. Lê heke dînek were girtin gelo yên wî dînî digirin çi ne? Xweda aqil bide!