ŞOREŞ BENEK / SILÊMANÎ / ROJNEWS

Parlamenter Ferhad Sengawî li ser refandina xwe daxuyanî da çapemeniyê û got: “Ev bûyera ku rûdayî bûyerek ne exlaqî bû, ji ber wê ez ji her kesê daxwaz dikim ku erîşî tu alî an jî partiyê siyasî nekin.”

Ferhad Sengawî got ku ew çûbû mala birayê xwe, li hewşê bû, bi telefonê diaxivî û wisa dom kir: "Mala birayê min li taxa Kaniba ku dikeve aliyê Qirge. Li wir çend kesan telefona min kir û gotin, em dixwazin bên gel te. Min jî nekarî bêjim neyên, ji ber ku ev ne exlaqek min e û min jî cihê xwe ji wan re got. Parêzerên min jî ji bo ew kes bên gel min ber bi wan ve çûbûn ku bêne gel min. Di demek de çend kes hatin jorê, min wisa fêm kir ku ew mêvan in û min merhaba da wan.  Hejmara wan nêzî 6 kesan bû.  Her du destê min girtin, min jî got, belkî henek dikin, wan ez girtim û li ber derê hewşê ji min re gotin, 'emê biçin polîtburoyê.' Serê min girtin ji bo ku kes min nas neke. Min jî nezanî ev polîtburo li ku ye. Em di nava Silêmaniyê de pir geriyan. Di nava wesayîtê de yekî got, 'em derziyek lê bidin bila ji ser hişê xwe biçe.' Yekê ji got, 'em bibin ber Selahedîn', lê ez nizanim mebesta wan ji Selahedîn ku der bû. Di be ku ev gotin ji bo ku ez rê nas nekim hatibe gotin. Ez kesî ji wan nas nakim, ka ew kî bûn, vê bûyerê encama dane. Di nava wesayîtê de yekî ji min re got, 'li me bibore me te acizkiriye, lê wesayîta polîtburoyê li gel te ye divê tu wê wesayîtê ji me re bînî.' Min jî got hûn dizanin ew wesayît wergerabû û nemaye lê wan ji min re gotin wê demê ji me re tiştek din binêre.”
Her wiha parlementer Ferhad Sengawî got ku divê êdî gelê kurd li pey qiseyên partiyan nekevin, divê li pey wan aliyan bikevin ku berhem û karê ku wan ji Kurdistanê re kirine. Ferhad Sengawî axaftina xwe wiha domand: “Ji ber ku li başûrê Kurdistanê dadgeh ne serbixwe û ne dadperweraneye min li ser bûyerê doz venekiriye. Min kes ji wan êrîşkaran nas nekiriye lê cilê sivîl li ber wan bû. Taxê hemû bi wesayîtên xwe girtine û çekên giran yên wekî doçka jî li gel wan bû. Piştî ku ez revandime hemû kamerayên çavdêriyê yên taxê destdanîne ser.”
Her wiha gelek parlamenterên parlamentoya Herêma Kurdistanê jî ji bo piştgiriya Ferhad Sengawî di daxuyaniya rojnamegeriyê de amade bûn û daxwaz ji Asayîşa Silemanî û YNK'ê kirin ku van kesên vê êrîşe kirine bên diyarkirin û bên ceza kirin.
Hêjayî gotinê ye ku berî 15 rojan Ferhad Sengawî tevlî eniya 'Na' ya ji bo referandûmê bûbû û ji ber ku tevlî vê eniyê bûbû YNK'ê ji nav xwe avê tibû.