Cemil Oguz

Festîvala Fîlmên Serbixwe ÎF Îstanbul îsal 15'emîn car deriyên xwe ji bo sînemahezan vekir. Festîval navbera 18-28'ê mehêde li Stenbolê, navbera 3-6'ê adarê de jî li Enqere û Îzmîrê li dar dikeve.

Di festîvalê de bi dehan fîlmên ji gelek welatên cuda dibin mêvanên festîvalê. Di nav van fîlman de hin fîlmên metrajdirêj, kurtefîlm û belgefîlmên kurdan jî hene. Ji aliyê sînemagerî ve berhemên baş in ku kurdan pêşkêş kirine.

Berî festîval xilas bibe me ew neqandin û em pêşkêşî we dikin. Fermo ew berhem:

BÎRANÎNA HEPSA REŞ*:

Li navçeyek biçûk di dema ku axaftin û perwerdehiya bi kurdî qedexeye de komek hevalên hev ên îdealîst dest bi perwerdehiya bi kurdî dikin. Bi awayekî veşarî pirtûkên dibistanê çap dikin û belav dikin. Piştî mirina Asake, ji bo bicihanîna wesiyeta Aseke hevalên wê dikevin nav tevgerê.

Derhêner Shahram Alidi

90 deqe, bi kurdî û tirkî

Roja nîşandayînê: 26.02.2016 Nişantaşi City's, Salon 7 Saet 16.00 - 27.02.2016 Nişantaşi City's, Salon 7 Saet 16.00

BAGLAR:

Tîma basketbolê ya Şaredariya Baglara Amedê. Koçê wan Gokhan Yildirim çawa tîm ava kiriye, rêwîtiyên wan,lîstikên wan... Bi ser tîmek basketbolê de vegotina rewşa herêmê, kuçeyên wir, têkiliya wan û dewletê... Belgefîlm ji gelek aliyan ve gelek tiştî nîşanî temaşevan dide.

Derhêner: Berke Baş, Melis Birder

79 deqe, bi tirkî

Roja nîşandayînê: 26.02.2016 Nişantaşi City's, Salon 3 Saet 11.00 -

VEŞARTÎ:

Ali Kemal û Berfîn du kes in ku li bendê ne dê bizewicin. Şevek jinek tê dikanê Ali Kemal û piştî vegotinên jinê ew xwe di nav rewşa veguherîna cinsiyetê ya bi azwer de dibînin. Dûre meseleya kevneşopî yên li nav civakê xwe didin der.

Derhêner: Ali Kemal Çınar

70 deqe, bi kurdî

Roja nîşandayînê: 25.02.2016, Saet 19.00, Nişantaşi City's, Salon 7

GUNEH:

Reşo yê 12 salî û sê hevalên wî diçin şikeftek ku gundî wê şikeftê wekî şikefta cinan bi nav dikin. Zarok li wê şikeftê henekek dikin û piştî her tişt ser û bino dibe

Derhêner: Gulistan Acet

14 deqe, bi kurdî

Roja nîşandayînê: 25.02.2016 Nişantaşi City's, Salon 9 Saet 16.00 - 28.02.2016 kargART, Saet 15.30  

DÛR E...

Belgefîlm li ser têkoşîna li Kobanî ya li dijî çeteyên DAIŞ'ê û pêre li ser bandora xirakirina bajêr û xwezayê ye.. Her wiha ligel hin jinên dilpola yên di şer de jî hevpeyvîn hatiye kirin û rewş tê vegotin.

Derhêner: Leyla Toprak

16 deqe

Roja nîşandayînê: 26.02.2016 Cinemaximum Kanyon, Salon 9 Saet 16.00 - 28.02.2016 kargART, Saet 17.30 

AZAD:

Azad ligel diya xwe mecbûr maye koçî Stenbolê bike. Diya wê her roj diçe kar û derî bi ser de digire. Azad dike ku li nav çar dîwaran dema xwe derbas bike.

Derhêner: Yakup Tekintangaç

16 deqe

Roja nîşandayînê: 24.02.2016 Cinemaximum Kanyon, Salon 9 Saet 16.00 - 28.02.2016 kargART, Saet 14.30 

Ji bo agahiyên firehtir:

http://www.ifistanbul.com/

Têbiniyek: Bi ya min divê navê fîlm "Bîranînên Hespê Reş" ba. Jixwe "HESPA" nabe, ew jî tiştek din e. 

Bi şertê nîşandayîna çavkaniyê her kes dikare nûçe, nivîs û fotoyên Diyarnameyê bikar bîne. Bêyî nîşandayîna çavkaniyê bikaranîna nûçe, nivîs û fotoyên Diyarnameyê qedexe ye.