Diyarname

Di vê tûrnûvayê de çend lîstikvan hene ku dê çav li dû wan be. Gelek ji wan hene lê herî zêde jî reqabeta Messi û Ronaldo cihê meraqê ye.

Di Kûpaya Cîhanê 2022 Katarê de lîstikvanên ku dê derkevin pêş hene. Li Îngilistanê çav li Harry Kane ne. Li Fransayê Antoine Griezmann, li Brezilyayê Neymar navê ku derdikeve pêş e. Helbet ligel van diduyên din hene: Lionel Messi û Cristiano Ronaldo.

RONALDO

Ronaldo bi vê tûrnûvayê re bû 5 caran beşdarî tûrnûvayê dibe ku ew qas derfet naveke destê kesî. Ronaldoyê 37 salî di tûrnûvaya 2006, 2010, 2014, 2018 û îsal 2022’yan de li tûrnûvayê ye. Ronaldo ligel tîma xwe Portekîzê di Koma H de ye û ligel Gana, Ûrûgûay û Koreya Başûr bilîze. Ronaldo kazê mezin ê teknîk dîrektor Fernando Santos e.

MESSI

Messiyê 35 salî heta niha hema hema hemû kûpa bi dest xistine ji bilî Kûpaya Cîhanê. Di vê kûpayê de wê bike ku tîma xwe Arjantînê pêş bixe lê Messi li ser pirsek Arjantîn di nav favoriyan de nîşan neda. Bi vê temaşevanên Arjantînê şaşwaz bûn. Messi wisa got, “Di nav berendamê şampiyoniyê de Brezîlya, Fransa û Îngilistan hene. Ev her sê tîm ji tîmên din cudatir in. Lê Kûpaya Cîhanê tûrnûvayeke zor e. Li wir her tişt dikare çêbibe.” Li aliyê din Messi got em bi tîma xwe bawer in, gav bi gav emê bifikirin.

Messi ligel tîma xwe Arjantînê di Koma C de ye û ligel Polonya, Meksîka û Erebistana Siûdî dê bilîze.

Messi û Ronaldo ku li dinyayê her wekî reqîbên hev têne nîşandayîn, di her warî de bi hev re di nav pêşbaziyê de ne, di vê tûrnûvayê de dê bêne hemberî hev yan na rojên pêş û serketina tîman dê nîşan bide. Lê bi her halê xwe çav li dû wan û lîstika wan e.