Frankfurt
Dadgehê li ser mijara Deniz Fenerî biryara xwe da û ceza da bersûc Mehmet Gurhan, Firdevsi Ermiş û Mehmet Taşkan.
'a hapis cezası verildi. Alman hakim davanın Almanya tarihinin en büyük dolandırıcılık davası olduğunu vurguladı
Bi îdîaya pereyên ku berhev kirine xwarina doz li Denîz Fenerî ya li Almanyayê hatibû vekirin û Denîz Feneriya li Tirkiyeyê jî wekî şirîkê sûcê hatibû nîşandan. Rêveberên Denîz Feneriya li Tirkiyeyê daxuyanî dabûn û diyar kiribûn ku eleqeya wan bi dozê re nîn e.
Dadgeha alman îro li ser bûyerê biryara xwe da. Di biryarê de bi sûcdariya şêlandinê 5 sal û 10 meh cezaya hepsê dan Mehmet Gurhan, 2 sal û 9 meh cezaya girtinê da Mehmet Taşkan û Firdevs Ermiş jî bi cezaya saleke û 10 meh cezaya hepsê hat cezakirin.
Dadgeha Eyaleta Mezin a Frankfurtê di bin hakimiya Johang Muller de biryara xwe da û got, 'Ev skandala mezin a alîkariyê ye û got ku ev doz doza UNICEF'a ALmanyayê ku deng vedabû jî derbas kir.
Dadgeh wisa got: "Di 5 salan de ji zêdeyî 20 hezar kesî alîkarî hatiye berhevkirin û bi giştî reqema alîkariya ku hatiye berhevkirin gihîştiye 41 mîlyon Euroyî. Ji vê pereyê para ku çûye Tirkiyeyê 17 mîlyon Euro ye û ji vê 8 mîlyon Euro çûye ber destê Denîz Feneriya Tirkiyeyê û yên din li cihên cihê hatiye bikaranîn."
Dadgehê da zanîn ku digel rêberê Deniz Feneriya li Almayayê Mehmet Gurhan e jî komele ji Tirkiyeyê hatiye bi rê ve birin û di biryardayînê de Zekeriya Kahraman derketiye pêş. Dadger Muller got ku Mehmet Gurhanê bersûc berê bi Îsmail Karahan, Harun Yoldaş, Mustafa Çelik û Zahit Akman re jî têkiliya wî ya ticarî hebûye."