Diyarname

Her ku diçe Parîs wekî cih ji bo fîlman zêdetir balê dikişîne. Di sala 2021'ê de di vî warî de rekor hatiye şikandin.

Par bi temamî 110 fîlmên metrajdirêj û 64 rêzefîlm li Parîsê hatine kişandin.

Beşa Çand û Hunerê ya Şaredariya Parîsa Fransayê ragihand ku par dema kişandina fîlman a li Parîsê bi temamî 7 hezar rojî derbas kiriye û bi vê yekê wan rekor şikandiye. Ji bo her fîlmî 39 roj ketiye.

Ji bilî fîlmên fransiz, yên amerîkî jî di vî warî de ji Parîsê sûde girtine.

Bi taybetî li ser navê platformên dîjîtal wekî Netfliks, Apple TU, Amazon, HBO gelek fîlm li wir hatin kişandin. Sazkar, berî fîlm bikişînin radigihînin şaredariyê ka dê çend rojan wê derê wekî cihê fîlmkişandinê bikar bînin. Bi vê yekê jî roj û saetên ku ji bo fîlman hatine terxankirin diyar dibin. Rêzefîlmên "Lupin" û "Emilly Paris" ku bi ser Netflîksê re têne weşandin û li hemû dinyayê têne nîşandayîn jî li wir hatine kişandin.