Diyarname
Piştî klûba Amed Sporê kongreya xwe saz kir û rêveberiyeke nû hilbijart, niha jî teknîk dîrektorekî nû hat ser kar.
Rêveberiya nû ya Amed Sporê di bin rêvberiya serokê klûbê Metin Kilavuz de komîta transferê amade kir. Komîteyê ji bo gava pêşî meseleya teknîk dîrektoriyê çareser kir. Komîteyê ligel teknîk dîrektorê ji Amedê yê ciwan Ramazan Erim li hev kir. Di sala nû de Erîm dê Amed Sporê bi rê ve bibe.
Dema Amed Spor di serdema 2012-2013'yan de di bin rêveberiya teknîk dîrektor Turhan Ozyazanlar de ji lîga 3'yem derbasî Lîga 2'yem bû Erîm cîgirê teknîk dîrektor bû. Erîm 5 salan cîgiriya wî kiribû. Amed Sporê niha tîma fûtbolê ya mêran teslîmî Ramazan Erim kir û ji bo cîgiriya Erîm jî Erdal Elgormuş anîn ser kar.
Di îmzekirina protokolê de Serokê Klûbê Metin Kilavuz û komîteya transferê amade bû. Erim piştî îmzekirina protokolê wisa got: "Ez dixwazin hûn vê bizanibin ku wekî amediyekî 7/24 emê ji bo Amed Sporê bixebitin."